ស្ថិតក្នុងវត្តអង្គរុន ឃុំត្រពាំងក្រសាំង ស្រុកបាទី ខេត្តតាកែវ នៅព្រឹកថ្ងៃព្រហស្បតិ៍ ទី១៣ ខែមេសា ឆ្នាំ២០២៣ ឯកឧត្តមកិត្តិនីតិកោសលបណ្ឌិត ម៉ុម ជឹមហ៊ុយ ប្រធានគណៈកម្មការទី៧ ព្រឹទ្ធសភា និងលោកជំទាវ ព្រមទាំងក្រុមគ្រួសារ បានរៀបចំពិធីបង្សុកូល តាមទំនៀមទំលាប់ខ្មែរ និងតាមគន្លងព្រះពុទ្ធសាសនា ដើម្បីសុំសេចក្តីសុខ សេចក្តីចម្រើន សិរីសួស្តី ព្រមទាំងឧទ្ទិសកុសលផលបុណ្យ ជូនដល់ដួងវិញ្ញាណក្ខន្ធ មាតា បិតា ញាតិការទាំងប្រាំពីរសន្តាន ឥស្សរជន និងយុទ្ធជន ដែលបានពលីជីវិត ដើម្បីបុព្វហេតុជាតិ មាតុភូមិ។
ដើម្បីចូលរួមអមអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំថោះ បញ្ចស័ក ព.ស ២៥៦៧ ឯកឧត្តមកិត្តិនីតិកោសលបណ្ឌិត បានឧបត្ថម្ភថវិកាជូនប្រជាការពារ យាយជី តាជី និងទេយ្យទាន គ្រឿងបរិក្ខារ បច្ច័យមួយចំនួនសម្រាប់កសាងសមិទ្ធផលក្នុងវត្តផងដែរ៕
