ឯកឧត្តម គង់ សារាជ រួមជាមួយថ្នាក់ដឹកនាំខុទ្ទកាល័យសម្តេចវិបុលសេនាភក្តី បានជួបប្រជុំពិភាក្សាការងារជាមួយថ្នាក់ដឹកនាំខេត្តពោធិ៍សាត់ និងមន្រ្តីពាក់ព័ន្ធ
ព្រឹកថ្ងៃទី១៩ ខែមេសា ឆ្នាំ២០២៣ ឯកឧត្តម គង់ សារាជ ប្រធានគណៈកម្មការទី៩ ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី៧ រួមជាមួយថ្នាក់ដឹកនាំខុទ្ទកាល័យសម្តេចវិបុលសេនាភក្តីប្រធានព្រឹទ្ធសភា ថ្នាក់ដឹកនាំខុទ្ទកាល័យឯកឧត្តកិត្តិសង្គហបណ្ឌិត អនុប្រធានទី២ព្រឹទ្ធសភា ថ្នាក់ដឹកនាំអគ្គលេខាធិការដ្ឋានព្រឹទ្ធសភានិងមន្ត្រី បានជួបប្រជុំពិភាក្សាការងារជាមួយថ្នាក់ដឹកនាំខេត្តពោធិ៍សាត់ និងមន្រ្តីពាក់ព័ន្ធ ដើម្បីត្រៀមរៀបចំពិធីកាត់ប្ញសសីមា និងសម្ពោធដាក់ឱ្យប្រើប្រាស់ព្រះវិហារថ្មីរបស់វត្តលុម្ពិនីសាលវ័ននារាម ហៅវត្តអូរសោម ស្ថិតក្នុងឃុំអូរសោម ស្រុកវាលវែង ខេត្តពោធិ៍សាត់ ដែលដឹកនាំសាងសង់ដោយឯកឧត្តមកិត្តិសង្គហបណ្ឌិត ទេព ងន អនុប្រធានទី២ ព្រឹទ្ធសភា ដែលបានកំណត់កាត់ប្ញសសីមា នៅថ្ងៃទី២៧ ខែមេសា ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា សាលប្រជុំសាលាខេត្តពោធិ៍សាត់។
