នារសៀលថ្ងៃទី២៤ ខែមេសា ឆ្នាំ២០២៣ សម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា បានអញ្ជើញនាំយកនូវបច្ច័យ ទេយ្យទាន និងសម្ភាៈបរិក្ខាផ្សេងៗ ទៅថ្វាយសម្តេចព្រះពោធិវ័ង្សកិត្តិបណ្ឌិត អំ លឹមហេង (សង្គហត្ថេរោ) សម្តេចព្រះសង្ឃនាយករងទី១នៃព្រះរាជាណាចក្រកម្ពុជា និងជាព្រះចៅអធិការវត្តជំពុះក្អែក ដែលស្ថិតនៅក្នុងសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។
ទេយ្យវត្ថុ និងគ្រឿងបរិក្ខា ដែលប្រគេនថ្វាយនាឱកាសនោះរួមមាន៖ បច្ច័យ សាដក អង្ករ០៣តោន តែ ១០គីឡូក្រាម ស្ករស០២បាវ មីម៉ាម៉ា០៥កេសធំ ត្រីខកំប៉ុង ០៥កេស ទឹកត្រី១០យូរ ទឹកស៊ីអ៉ីវ១០យូរ ទឹកដោះគោខាប់ ០៥កេស ទឹកក្រូច១០កេស និងទឹកបរិសុទ្ធ១០កេស៕
ប្រភព៖ នាយកដ្ឋានព័ត៌មាន
