ព្រឹកថ្ងៃអាទិត្យ ទី៣០ ខែមេសា ឆ្នាំ២០២៣ ស្ថិតនៅសាលាឃុំព្រៃគ្រី ស្រុកជលគិរី ខេត្តកំពង់ឆ្នាំង ឯកឧត្តម អ៊ឹង លាងហ៊ួ សមាជិកគណ:កម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ បានអញ្ជើញចុះជួបសំណេះសំណាល និងសួរសុខទុក្ខសមាជិកក្រុមប្រឹក្សាស្រុក ក្រុមប្រឹក្សាឃុំ ស្មៀនឃុំ និងមេប៉ុស្តិ៍រដ្ឋបាលឃុំ ព្រមទាំងស្តាប់របាយការណ៍ អំពីវឌ្ឍនភាពការងារដែលបានអនុវត្តក្នុងខែមេសា ឆ្នាំ២០២៣ របស់រដ្ឋបាលឃុំ។ តាមរយ:របាយការណ៍ ឯកឧត្តម សូមធ្វើការកោតសរសើរ និងវាយតម្លៃខ្ពស់ ចំពោះការខិតខំប្រឹងប្រែងដោះស្រាយសំណូមពរ និងតម្រូវការបន្ទាន់របស់ប្រជាពលរដ្ឋ ពិសេសលើការងារទឹកស្រោចស្រពស្រែប្រាំងក្នុងការសាបព្រោះស្រូវ លើកទី២។ សំណូមពរ ១-បន្តយកចិត្តទុកដាក់អនុវត្តគោលនយោបាយភូមិ ឃុំ មានសុវត្ថិភាព ដោយពង្រឹងការចូលរួមពីក្រុមប្រជាការពារគ្រប់ភូមិ ២-តាមដាន និងបន្តដោះស្រាយឲ្យទាន់ពេលការប្រើប្រាស់ទឹកស្រោចស្រពស្រែ និង៣-ខិតខំអនុវត្តផែនការឆ្ពោះទៅកាន់ការបោះឆ្នោតជ្រើសតាំងតំណាងរាស្ត្រ អាណត្តិទី៧ ឱ្យទទួលបានជោគជ័យ។ ក្នុងឱកាសនោះ ឯកឧត្តម បានឧបត្ថម្ភក្រមា ចំនួន៣៦០ និងថវិកាមួយចំនួនផងដែរ។
