ស្ថិតនៅភូមិខ្ចាស់ ឃុំបុស្បូវ ស្រុក ព្រះនេត្រព្រះ ខេត្តបន្ទាយមានជ័យ
៖ នាព្រឹកថ្ងៃទី០១ ខែឧសភា ឆ្នាំ២០២៣ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមពិធីបុណ្យបញ្ចុះខណ្ឌសីមាវិហារថ្មី និងសម្ពោធឆ្លងមណ្ឌលកុមារកំព្រាវិសាខា នៃសេចក្ដីសង្ឃឹមវត្តខ្ចាស់ ក្រោមអធិបតីភាពដ៏ខ្ពង់ខ្ពស់ ឯកឧត្ដមនាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី និងលោកជំទាវ នៅវត្តស្រះកណ្ដាល ( ហៅវត្តខ្ចាស់)។ ឯកឧត្តម ឧបនាយករដ្ឋមន្រ្តី បានថ្លែងអំណរគុណចំពោះ មន្រ្តីរាជការ កងកម្លាំងប្រដាប់អាវុធគ្រប់ប្រភេទ អង្គភាពពាក់ព័ន្ធ និងប្រជាពលរដ្ឋទាំងអស់ ដែលបានរួមគ្នាថែរក្សា ការពារសន្តិភាព និងសមិទ្ធផលនានា រួមនឹងការធ្វើឲ្យមានសុខុដុមនីយ៍កម្មសាសនា។ សូមអរព្រះគុណ និងអរគុណយ៉ាងជ្រាលជ្រៅចំពោះព្រះមហាធម្មាលង្ការោ ចាន់ សុជនព្រះគ្រូចៅអធិការវត្ត ព្រះថេរានុត្ថេរៈគ្រប់ព្រះអង្គ គណៈកម្មការ អាចារ្យវត្ត ឧបាសក ឧបាសិកា ពុទ្ធបរិស័ទចំណុះជើងវត្តជិតឆ្ងាយ និងសប្បុរសជននានា ដែល
បានសាមគ្គីគ្នាកសាង និងអភិវឌ្ឍជាប្រចាំនូវសមិទ្ធផលនានានៅក្នុងវត្តប្រាសាទស្រះកណ្តាល(ខ្ទាស់) ជាពិសេសការបរិច្ចាគដោយសទ្ធាជ្រះថ្លាកសាងឡើង នូវសមិទ្ធផលនានាជាច្រើននៅក្នុងវត្ត និងបានកសាងព្រះវិហារមាស បានលេចចេញជារូបរាងតាមបែបសាសនាគួរជាទីមោទនៈនាពេលនេះ។ សមិទ្ធផលនានាដែលយើងបានខិតខំកសាងនិងអភិវឌ្ឍនៅក្នុងវត្តប្រាសាទស្រះកណ្តាល (ខ្ទាស់) ពិតជាបានរួមចំណែកក្នុងការកសាង និងអភិវឌ្ឍវិស័យសាសនាជាមួយរាជរដ្ឋាភិបាលកម្ពុជា ។