ស្ថិតនៅសាលាបឋមសិក្សាស្វាយចេក ស្រុកស្វាយចេក ខេត្តបន្ទាយមានជ័យ ឯកឧត្តម ឈើយ ចាន់ ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ លោក ដា ទឹង ប្រធានក្រុមប្រឹក្សាស្រុក និងលោក លឿង សុភក្ដិ អភិបាលស្រុក បានអញ្ជើញជួបសំណេះសណាលសួរសុខទុក្ខ លោកនាយក នាយិកា ទូទាំងស្រុក និងលោកគ្រូ អ្នកគ្រូ បង្រៀននៅសាលាបឋមសិក្សាស្វាយចេក។ ពិធីនេះ ក៏មានការអញ្ជើញចូលរួមពីសមាជិកក្រុមប្រឹក្សាស្រុក អភិបាលរងស្រុក មេឃុំស្វាយចេក លោកគ្រូ អ្នកគ្រូ និងអ្នកពាក់ព័ន្ធ សរុបចំនួន៦៥នាក់។ ឯកឧត្តម បានសម្តែងនូវមនោសញ្ចេតនាសប្បាយរីករាយ និងសូមថ្លែងអំណរគុណ ចំពោះលោកនាយក លោកគ្រូ អ្នកគ្រូ ដែលបានលះបង់កម្លាំកាយចិត្ត ប្រាជ្ញា ស្មារតី ចំពោះបុព្វហេតុវិស័យអប់រំ យុវជន និងកីឡា ក្នុងការរួមចំណែកកសាងធនធានមនុស្សឱ្យកាន់តែសម្បូរបែប មានសមត្ថភាព និងគុណធម៌ ដើម្បីរួបរួមគ្នាកសាងប្រទេសជាតិមួយឱ្យរីកចម្រើនសម្បូរសប្បាយរុងរឿងជាអមត។ នាឱកាសនោះឯកឧត្តម បាននាំយកអំណោយរបស់ ឯកឧត្តមឧបនាយករដ្ឋមន្រ្តីកែ គឹមយ៉ាន នូវសារ៉ុង ចំនួន៥៦០សារ៉ុង សម្រាប់ចែកជូនលោកគ្រូ អ្នកគ្រូ ទូទាំងស្រុកស្វាយចេក ថិវកាចំនួន២០០ដុល្លារអាមេរិក សម្រាបការធ្វើផ្លូវបេតុង និងដើមឈើ ចំនួន៥០ដើម ជូនសាលាបឋមសិក្សាស្វាយចេក ព្រមទាំងបានរៀបចំពិសាអាហារសាមគ្គីផងដែរ។