ព្រឹកថ្ងៃអាទិត្យ ទី៧ ខែឧសភា ឆ្នាំ ២០២៣ នៅសាលប្រជុំសាលាស្រុកជលគិរី ខេត្តកំពង់ឆ្នាំង ឯកឧត្តម អ៊ឹង លាងហ៊ួ សមាជិកគណ:កម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ បានបើកកិច្ចប្រជុំធ្វើការត្រួតពិនិត្យផែនការសកម្មភាពឆ្ពោះទៅកាន់ការបោះឆ្នោតជ្រើសតាំងតំណាងរាស្រ្ត អាណត្តិទី៧ ឆ្នាំ២០២៣ របស់រដ្ឋបាលឃុំទាំង៥ ក្នុងស្រុកជលគិរី ដោយមានអ្នកចូលរួមពីអភិបាលរងស្រុក មន្ត្រីសាលាស្រុក មេឃុំ និងក្រុមប្រឹក្សាឃុំ ចំនួន២០រូប។ សំណូមពរឲ្យស្រុក និងឃុំ ត្រូវអនុវត្តនូវគ្រប់សកម្មភាពដែលបានកំណត់ ដោយសហការឲ្យបានជិតស្និទ្ធបំផុតជាមួយគ្រប់អ្នកពាក់ព័ន្ធទាំងអស់ ដើម្បីរួមគ្នាដោះស្រាយរាល់ការប្រឈមនានាឱ្យបានទាន់ពេលវេលា។
