khmer eng
  • ក្រុមសមាជិកព្រឹទ្ធសភាប្រចាំភូមិភាគទី២ អញ្ជើញសំណេះសំណាលអាជ្ញាធរឃុំ សង្កាត់ ចំនួន០៤ ក្នុងស្រុកត្បូងឃ្មុំ និងក្រុងសួង
     
    ចែករំលែក ៖

    នាព្រឹកថ្ងៃទី១៧ ខែឧសភា ឆ្នាំ២០២៣ នៅសាលាស្រុកត្បូងឃ្មុំ ក្រុមសមាជិកព្រឹទ្ធសភាប្រចាំភូមិភាគទី២ ដឹកនាំដោយឯកឧត្តម អ៊ុក ប៊ុនឈឿន ប្រធានក្រុម បានអញ្ជើញចុះជួបសំណេះសំណាលជាមួយនឹងអាជ្ញាធរនៃឃុំសង្កាត់ចំនួន០៤ គឺឃុំថ្មពេជ្រ ឃុំជប់ សង្កាត់សួង និងសង្កាត់វិហារលួង ស្ថិតក្នុងក្រុងសួង ស្រុកត្បូងឃ្មុំ ខេត្តត្បូងឃ្មុំ ដោយមានអ្នកចូលរួមសរុបចំនួន៦២នាក់។
    ពិធីនេះរៀបចំឡើងគោលបំណងស្វែងយល់អំពីការអនុវត្តគោលនយោបាយវិមជ្ឈការ វិសហមជ្ឈការនៅថ្នាក់មូលដ្ឋាន ការអនុវត្តគោលនយោបាយភូមិ ឃុំមានសុវត្ថិភាព និងការបម្រើសេវារដ្ឋបាលសាធារណៈជូនប្រជាពលរដ្ឋ ព្រមទាំងស្តាប់នូវបញ្ហាប្រឈម សំណូមពរដែលអាជ្ញារនៃឃុំ សង្កាត់ទាំង០៤ បានជួបប្រទះចំពោះការអនុវត្តការងារនាពេលកន្លងមក។
    បន្ទាប់ពីបានស្តាប់នូវសេចក្តីរាយការណ៍ដែលលើកឡើងដោយអាជ្ញាធរនៃឃុំ សង្កាត់ទាំង០៤ រួចមក ក្រុមសមាជិកព្រឹទ្ធសភាប្រចាំភូមិភាគទី២ ក៏បានផ្តល់នូវអនុសាសន៍មួយចំនួនដែលជាគន្លឹះក៏ដូចជាចំណេះដឹង និងបទពិសោធន៍សម្រាប់អាជ្ញាធរនៃឃុំ សង្កាត់ទាំង០៤ យកទៅអនុវត្ត ក្នុងន័យបង្កលក្ខណៈឲ្យកាន់តែប្រសើរឡើងនូវការអនុវត្តការងារជាក់ស្តែង។
    ក្នុងឱកាសនោះ ឯកឧត្តម ឆាយ វណ្ណា លេខាធិការក្រុមសមាជិកព្រឹទ្ធសភាប្រចាំភូមិភាគទី២ បានធ្វើបអបង្ហាញអំពីគោលនយោបាយភូមិ ឃុំមានសុវត្ថិភាព និងឯកឧត្តម ឡាន់ ឆន សមាជិកក្រុមសមាជិកព្រឹទ្ធសភាប្រចាំភូមិភាគទី២ ធ្វើបទបង្ហាញអំពី វិមជ្ឈការ វិសហមជ្ឈការ។
    ជាមួយគ្នានេះ ឯកឧត្តម អ៊ុក ប៊ុនឈឿន ប្រធានក្រុមសមាជិកព្រឹទ្ធសភាប្រចាំភូមិភាគទី២ បានថ្លែងនូវការកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងអនុវត្តតួនាទីភារកិច្ចរបស់ខ្លួន ក្នុងការបម្រើសេវាររដ្ឋបាលសាធារណៈ ជូនដល់បងប្អូនប្រជាពលរដ្ឋ ដែលទទួលបាននូវលទ្ធផលល្អប្រសើរគួរជាទីមោទនៈ។
    ក្នុងបរិយាកាសដ៏ប្រសើរនេះ ក្រុមសមាជិកព្រឹទ្ធសភាប្រចាំភូមិភាគទី២ ក៏បានផ្តល់ជូនដល់អាជ្ញាធរនៃឃុំ សង្កាត់ទាំង០៤ ដែលបានអញ្ជើញចូលរួមដោយក្នុងម្នាក់ៗទទួលបានឧបករណ៍តេស្តរហ័សជំងឺកូវិដ-១៩ ចំនួន០១ប្រអប់តូច៕

    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ខៀវ មុត ដឹកនាំកិច្ចប្រជុំក្រុមសមាជិកព្រឹទ្ធសភាប្រចាំភូមិភាគទី៥
    thumbnail
     
    សមាជិកគណៈកម្មការ ព្រឹទ្ធសភា បានអញ្ជើញចូលរួមក្នុងសន្និសីទថ្នាក់ជាតិស្តីអំពី គោលនយោបាយគ្រឿងស្រវឹងនៅកម្ពុជា
    thumbnail
     
    ឯកឧត្តម អ៊ុច បូររិទ្ធ អនុញ្ញាតឱ្យឯកអគ្គរដ្ឋទូតសាធារណរដ្ឋឆែកប្រចាំកម្ពុជា ចូលជួបសម្តែងការគួរសម និងពិភាក្សាការងារ
    thumbnail
     
    ឯកឧត្តម ងី ច័ន្រ្ទផល ដឹកនាំកិច្ចប្រជុំផ្ទៃក្នុងគណៈកម្មការទី១ព្រឹទ្ធសភា
    thumbnail
     
    ឯកឧត្តម ប្រាក់ សុខុន អនុញ្ញាតឱ្យឯកអគ្គរដ្ឋទូតសាធារណរដ្ឋឆែកប្រចាំកម្ពុជា ចូលជួបសម្តែងការគួរសម និងពិភាក្សាការងារ