នារសៀលថ្ងៃទី១៨ ខែឧសភា ឆ្នាំ២០២៣ ក្រុមសមាជិក-សមាជិកាព្រឹទ្ធសភា ប្រចាំភូមិភាគទី២ ដឹកនាំដោយ ឯកឧត្តម ឈិត គឹមយាត អនុប្រធានក្រុមសមាជិកប្រចាំភូមិភាគទី២ រួមដំណើរដោយ ឯកឧត្តម ច្រឹង គឹមស៊្រាន ឯកឧត្តម ជឹម លាវ លោកជំទាវ ស៊ីវណ្ណថា បានអញ្ជើញជួបសំណេះសំណាល និងស្វែងយល់ពីការអនុវត្តន៍ការងារ នយោបាយវិមជ្ឈការ និងសហវិមជ្ឈការ ការផ្តល់សេវាសាធារណៈ ការអភិវឌ្ឍន៍មូលដ្ឋាន និងការអនុវត្តនូវ គោលនយោបាយ ភូមិ ឃុំ មានសុវត្ថិភាព របស់ឃុំព្រែកតានង់ និងឃុំពាមប្រធ្នោះ ស្រុកកោះសូទិន ខេត្តកំពង់ចាម ដែលមានសមាសភាពចូលរួមមាន ក្រុមប្រឹក្សាឃុំ ស្មៀន នាយប៉ុស្តិ៍រដ្ឋបាល មេភូមិ សរុបចំនួន ៤៣នាក់ ក្រោយពីស្តាប់របាយការណ៍ បញ្ហាប្រឈម និងសំណូមពរ ក្រុមសមាជិកព្រឹទ្ធសភាប្រចាំភូមិភាគទី២ បានផ្តល់ជាអនុសាសន៍ ណែនាំបន្ថែមនូវចំណុចខ្វះខាតដែលមូលដ្ឋានត្រូវកែលំអរ និងសូមកោតសរសើរនូវសកម្មភាពបំរើសេវាសាធារណៈ និងកាអភិវឌ្ឍភូមិ ឃុំមានសុវត្ថភាព រក្សាបាននូវរបរិស្ថានល្អ ។ល។ ក្នុងឱកាសនោះដែរបានឧបត្ថម្ភថវិកាជូនសមាជិកអង្គប្រជុំក្នុងម្នាក់ទទួលបាន ថវិកា ៣០,០០០៛ សរុបថវិកាទាំងអស់ ១,២៩០,០០០៛ ឧបករណ៍តេស្តិ៍រហ័ស១ឃុំទទួលបាន១កេសធំ និងបានផ្តល់ជូនមន្ទីរពេទ្យបង្អែក និងការិយាល័យស្រុកប្រតិបត្តិកោះសូទិនចំនួន ៤កេសធំ នៅស្រុកកោះសូទិន ខេត្តកំពង់ចាម ។
