នាព្រឹកថ្ងៃសៅរ៍ ទី២០ ខែឧសភា ឆ្នាំ២០២៣ ឯកឧត្ដម អន ស៊ុំ លេខាធិការគណៈកម្មការទី៤ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមពិធីបុណ្យបញ្ចុះខណ្ឌសីមាព្រះវិហារថ្មី និង សម្ពោធឆ្លងសមទ្ធិផលនានា ក្នុងវត្តពោធិរង្សីមានជ័យ (ហៅវត្តស្វាយត្រស់) ក្រោមអធិបតីភាពដ៏ខ្ពង់ខ្ពស់ ឯកឧត្ដមបណ្ឌិត ហ៊ុន ម៉ាណែត តំណាងដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ស្ថិតនៅភូមិបឹងត្រស់ ឃុំ ភ្នំតូច ស្រុកមង្គលបូរី ខេត្តបន្ទាយមានជ័យ។ ក្នុងកម្មវិធីនេះផងដែរមានការអញ្ជើញចូលរួមពី ឯកឧត្ដម លោកជំទាវ សមាជិករដ្នសភា ក្រុមប្រឹក្សាខេត្ត ស្រុក ឃុំ គណៈអភិបាលខេត្ត ស្រុក និងប្រជាពលរដ្ឋប្រមាណ១.៥០០នាក់។ សូមបញ្ជាក់ថា ការចំណាយសម្រាប់ការសាងសង់ព្រះវិហារ និងសមទ្ធិផលនានា សរុបជាង៦០ម៉ឺនដុល្លារ អាមេរិក។
