នាព្រឹកថ្ងៃទី៥ ខែមិថុនា ឆ្នាំ២០២៣ លោកជំទាវ ឃួន ឃុនឌី សមាជិកាគណៈកម្មការទី៥ ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគ៨ បានអញ្ជើញជួបសំណេះសំណាលជាមួយសមាជិក សមាជិកាក្រុមប្រឹក្សាឃុំ មេប៉ុស្តិ៍ ប្រធានភូមិ អនុប្រធានភូមិ និងសមាជិកភូមិសរុបចំនួន៤០នាក់ ស្រី១៣នាក់។ ក្នុងឱកាសនោះ លោកជំទាវបានឧបត្ថម្ភសម្ភារៈ និងថវិកាមួយចំនួនសម្រាប់សមាជិកចូលរួម ។ បន្ទាប់ពីប្រារព្ធពិធីសំណាលរួច លោកជំទាវបានបន្តជួប សំណេះសំណាល សួរសុខទុក្ខ លោកពូអតីតមេឃុំ ដែលមានជំងឺសម្រាកព្យាបាលនៅគេហដ្ឋាន និងនាំយកសម្ភារៈមួយចំនួនជូនដល់គាត់ រួមមាន អង្ករ៥០គីឡូ ទឹកដោះគោឆៅ២យួរ ស្ករស១គីឡូ ត្រីខ២យួរ និងថវិកាមួយចំនួន ស្ថិតនៅឃុំដំរីស្លាប់ ស្រុកកំពង់ស្វាយ ខេត្តកំពង់ធំ។
