នារសៀលថ្ងៃទី០៦ ខែមិថុនា ឆ្នាំ២០២៣ គណៈកម្មការសាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់នៃព្រឹទ្ធសភា (គណៈកម្មការទី៩) ដឹកនាំដោយឯកឧត្តម គង់ សារាជ ប្រធានគណៈកម្មការ បានប្រជុំអន្តរគណៈកម្មការព្រឹទ្ធសភាជាមួយតំណាងរាជរដ្ឋាភិបាល ដឹកនាំដោយឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម ដើម្បីពិនិត្យសិក្សាលើសេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងពាណិជ្ជកម្មសេវាកម្មអាស៊ាន នៅសាលប្រជុំពិសេស វិមានព្រឹទ្ធសភា។
សេចក្តីព្រាងច្បាប់នេះ គឺជាកិច្ចព្រមព្រៀងពាណិជ្ជកម្មសម្រាប់អនុវត្តក្នុងចំណោមរដ្ឋសមាជិកនៃសមាគមប្រ ជាជាតិអាស៊ីអាគ្នេយ៍រួមមាន ព្រុយណេ ព្រះរាជាណាចក្រកម្ពុជា សាធារណរដ្ឋឥណ្ឌូនេស៊ី សាធារណរដ្ឋប្រជា ធិបតេយ្យប្រជាមានិតឡាវ ម៉ាឡេស៊ី សាធារណរដ្ឋសហភាពមីយ៉ាន់ម៉ា សាធារណរដ្ឋហ្វីលីពីន សាធារណរដ្ឋ សិង្ហបុរី ព្រះរាជាណាចក្រថៃ និងសាធារណរដ្ឋសង្គមនិយមវៀតណាម។
ហើយតាក់តែងឡើងក្នុងគោលបំណងលើកតម្កើងកិច្ចព្រមព្រៀងពាណិជ្ជកម្មសេវាកម្មអាស៊ាន ត្រូវបានអនុម័តនៅក្នុងសម័យប្រជុំរដ្ឋមន្រ្តីសេដ្ឋកិច្ចអាស៊ានលើកទី៤៤ ដែលបានប្រារព្ធឡើងនៅថ្ងៃទី២៨ ខែសីហា ឆ្នាំ២០១២ នៅខេត្តសៀមរាប នៃព្រះរាជាណាចក្រកម្ពុជា។
ប្រភព៖នាយកដ្ឋានព័ត៌មាន
