នាព្រឹកថ្ងៃទី២៣ ខែមិថុនា ឆ្នាំ២០២៣ លោកជំទាវ មាន សំអាន ប្រធានគណៈកម្មការទី៨ព្រឹទ្ធសភា និងជាអនុប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ បានអញ្ជើញដឹកនាំកិច្ចប្រជុំបូកសរុបលទ្ធផល នៃវគ្គបណ្តុះបណ្តាលអ្នកសង្កេតការណ៍របស់សមាគមនារីកម្ពុជា ដើម្បីសន្តិភាព និងអភិវឌ្ឍន៍ រាជធានី-ខេត្ត តាមរយៈវីដេអូ ZOOM ដោយមានការអញ្ជើញចូលរួមពីសំណាក់សិក្ខាកាមនៅតាមសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ ទូទាំង២៥ខេត្ត និងរាជធានី នៅសាលប្រជុំគណៈកម្មការទី៨ព្រឹទ្ធសភា។
សូមជម្រាបថា៖ វគ្គបណ្តុះបណ្តាលអ្នកសង្កេតការណ៍របស់សមាគមនារីកម្ពុជា ដើម្បីសន្តិភាព និងអភិវឌ្ឍន៍ រាជធានី-ខេត្តនេះ ចាប់ផ្តើមសិក្សាពីថ្ងៃទី២២ ខែឧសភា រហូតដល់ថ្ងៃទី២៣ ខែមិថុនា ឆ្នាំ២០២៣ តាមរយៈវីដេអូ ZOOM ដោយមានសិក្ខាកាមអញ្ជើញចូលរួមជាច្រើនរូប មកពីសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ ទូទាំង២៥ខេត្ត និងរាជធានី៕
ប្រភព៖ នាយកដ្ឋានព័ត៌មាន
