khmer eng
  • សម្តេចវិបុលសេនាភក្តី សាយ ឈុំ និងថ្នាក់ដឹកនាំ សមាជិក សមាជិកាព្រឹទ្ធសភា អញ្ជើញចូលរួមក្នុងព្រះរាជពិធីរុក្ខទិវា នៅខេត្តកំពង់ឆ្នាំង
     
    ចែករំលែក ៖

    នាព្រឹកថ្ងៃអាទិត្យ ទី០៩ ខែកក្កដា ឆ្នាំ២០២៣ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា ឯកឧត្តមកិត្តិសង្គហបណ្ឌិត ទេព ងន អនុប្រធានទី២ព្រឹទ្ធសភា និងសមាជិក សមាជិកាព្រឹទ្ធសភានៃព្រះរាជាណាចក្រកម្ពុជា បានអញ្ជើញចូលរួមជាកិត្តិយសក្នុងព្រះរាជពិធីរុក្ខទិវា ជាទិវាពលកម្មដាំដើមឈើប្រពៃណីជាតិ ក្រោមព្រះរាជាធិបតីភាពដ៏ខ្ពង់ខ្ពស់បំផុតរបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅ ស្ថានីយ៍ដាំឈើម្សៅក្រដាស ហ៊ុន សែន មានក ស្ថិតក្នុងភូមិអូរកាខុប ឃុំក្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង។
    សូមជម្រាបថា ផ្ទៃដីប្រារព្ធព្រះរាជពិធីរុក្ខទិវា ៩ កក្កដា ២០២៣ នេះ មានទំហំ ១០ហិកតា ត្រូវដាំកូនធ្នង់ ប្រេស គីនីន គ្រញូង ស្ពៃ និងក្ងោកសរុបជាង ១ម៉ឺន៣ពាន់ដើម។
    យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ គិតត្រឹមឆ្នាំ២០២២ រដ្ឋបាលព្រៃឈើបានបង្កើតស្ថានីយផ្សព្វផ្សាយ និងស្តារព្រៃឈើជាច្រើនដែលមានទំហំសរុបជាង ៥០ម៉ឺនហិកតា បានថែទាំចម្ការឈើចាស់ ចម្ការពូជឈើ និងឡូតិ៍បង្ហាញកសិ-រុក្ខកម្មចំនួន ៨២២ហិកតា និងបានពង្រឹងប្រសិទ្ធភាពនៃការគ្រប់គ្រងព្រៃបម្រុងទុក ដូចជាការបង្កើតតំប៉ន់សូនភូតគាម និងការបោះបង្គោលព្រំប្រទល់ព្រៃបម្រុងទុកអចិន្ត្រៃយ៍ ដែលការងារទាំងអស់នេះពិតជាបានឆ្លើយតបទៅនឹងគោលដៅយុទ្ធសាស្ត្ររបស់រាជរដ្ឋាភិបាលក្នុងការកែទម្រង់អនុវិស័យព្រៃឈើ។

    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ប្រាក់ ចំរើន អញ្ជើញជួបសំណេះសំណាលជាមួយអាជ្ញាធរ និងក្រុមប្រឹក្សាឃុំដំណាក់អំពិល ស្រុកអង្គស្នួល ខេត្តកណ្តាល
    thumbnail
     
    ឯកឧត្តម ទេព យុទ្ធី អញ្ជើញជាអធិបតីដឹកនាំកិច្ចប្រជុំជាមួយនឹងមន្ត្រីនៃការិយាល័យជំនួយការគណៈកម្មការទី៨ព្រឹទ្ធសភា
    thumbnail
     
    សម្ដេចប្រធានព្រឹទ្ធសភា អនុញ្ញាតឱ្យនិស្សិតជ័យលាភីអាហារូបករណ៍ JDS និងសាធារណរដ្ឋឆែក ចូលជួបសម្តែងការគួរសម និងទទួលអនុសាសន៍
    thumbnail
     
    ឯកឧត្តម នាង ផាត ដឹកនាំកិច្ចប្រជុំក្រុមសមាជិកព្រឹទ្ធសភាប្រចាំភូមិភាគទី៨
    thumbnail
     
    ឯកឧត្តម អ៊ុច បូររិទ្ធ អនុប្រធានទី២ ព្រឹទ្ធសភា និងគណប្រតិភូ បានឆ្លៀតឱកាសចូលរួមកម្មវិធិជួបជុំអាហារសាមគ្គិជាមួយបងប្អូនខ្មែររស់នៅប្រទេសកាណាដា