ព្រឹកថ្ងៃអង្គារ ទី១៥ និងព្រឹកថ្ងៃពុធ ទី១៦ ខែសីហា ឆ្នាំ២០២៣ ឯកឧត្តម អ៊ឹង លាងហ៊ួ សមាជិកគណ:កម្មការទី៧ ព្រឹទ្ធសភា និងលោកជំទាវ ព្រមទាំងកូនចៅ បាននាំយកនូវគ្រឿង ឧបភោគបរិភោគ បច្ច័យ៤ និងបច្ច័យសម្រាប់ចំណាយថ្លៃអគ្គីសនីបំភ្លឺវត្ត ទៅប្រគេនព្រះសង្ឃ កំពុងគង់ចាំព្រះវស្សានៅវត្តពោធិ៍សត្ថារាម ស្ថិតក្នុងឃុំកំពង់ហៅ ស្រុកកំពង់លែង វត្តព្រះធាតុឆ្វេង និងវត្តបល្ល័ង្គ ស្ថិតក្នុងឃុំពង្រ ស្រុករលាប្អៀរ ខេត្តកំពង់ឆ្នាំង ដើម្បីឧទ្ទិសកុសលជូនដល់បុព្វការីជន មានមាតាបិតា ជីដូនជីតា ញាតិការក្នុងសង្សារវដ្ត ដែលបានលាចាកលោកនេះទៅហើយ និងឧទ្ទិសកុសលជូនដល់ដួងវិញ្ញាញក្ខ័ន្ធវីរ:យុទ្ធជន យុទ្ធនារី ដែលពលីជីវិតក្នុងបុព្វហេតុជាតិមាតុភូមិកម្ពុជា នៃយើង ។
