ព្រឹកថ្ងៃព្រហស្បតិ ១កើត ខែស្រាពណ៌ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៧ ខែសីហា លោកជំទាវ ចឹក ហេង សមាជិកាព្រឹទ្ធសភា ប្រចាំភូមិភាគទី៨ បានអញ្ជើញចុះជួបសំណេះសំណាល និងពិភាក្សាការងារជាមួយក្រុមប្រឹក្សាឃុំ ជាំក្សាន្ត ដែលមាន លោកយ៉ុង ហួត ប្រធានក្រុមប្រឹក្សាស្រុក លោក លិញយុត អភិបាលរងស្រុក បានចូលរួមដំណើរ បន្ទាប់ពីបានស្តាប់សេចក្តីរាយការណ៍រួចមក លោកជំទាវ បានសម្តែងការកោតសរសើរ និងថ្លែងអំណរគុណ ចំពោះអាជ្ញាធរមូលដ្ឋាន ដែលបានរួបរួមកម្លាំងគ្នាខិតខំបំពេញការងារដោយយកចិត្តទុកដាក់ ក្នុងស្មារតីទទួលខុសត្រូវខ្ពស់ ដោយទទួលបានការគ្រាំទ្រយ៉ាងធំធេង ក្នុងដំណើរការបោះឆ្នោតជ្រើសតាំងតំណាងរាស្ត្រ នីតិកាលទី៧ នៃរដ្ឋសភា នាពេលកន្លងមក។ លោកជំទាវបានសំណូមពរ បន្តផ្តល់សេវាសាធារណៈជូនប្រជាពលរដ្ឋបានទាន់ពេលវេលា ការរក្សាសន្តិសុខ សណ្តាប់ធ្នាប់សង្គម ថែរក្សាសមិទ្ធផលដែលសម្រេចបានកន្លងមក ត្រូវពង្រឹង កាសាមគ្គីបន្ថែមទៀត ដើម្បីភាពរីកចម្រើន ។ក្នុងឱកាសនោះលោកជំទាវបានឧបត្ថម្ភថវិកាមួយចំនួនដល់អ្នកចូលរួមចំនួន១២ នាក់ផងដែរ។
