khmer eng
  • គណៈប្រតិភូគណៈកម្មការទី៥ព្រឹទ្ធសភា អញ្ជើញទស្សនកិច្ចតំបន់ប្រាសាទបាកាន(ព្រះខ័នកំពង់ស្វាយ) នៅខេត្តព្រះវិហារ
     
    ចែករំលែក ៖

    នារសៀលថ្ងៃទី០៣ ខែកញ្ញា  ឆ្នាំ២០២៣ គណៈប្រតិភូគណៈកម្មការកិច្ចការបរទេស សហប្រតិបត្តិអន្តរជាតិ ឃោសនាការ និងព័ត៌មាននៃព្រឹទ្ធសភា (ហៅកាត់គណៈកម្មការទី៥) ដឹកនាំដោយ លោកជំទាវកិតិ្តនីតិកោសលបណ្ឌិត ទី បូរ៉ាស៊ី ប្រធានគណៈកម្មការ បានអញ្ជើញទស្សនកិច្ចប្រាសាទនានានៅក្នុងតំបន់ប្រាសាទបាកាន (ព្រះខ័នកំពង់ស្វាយ) ស្ថិតនៅក្នុងភូមិបាកាន ឃុំរណសិរ្ស ស្រុកសង្គមថ្មី ខេត្តព្រះវិហារ ដើម្បីស្វែងយល់អំពីការគ្រប់គ្រង កិច្ចអភិរក្ស និងការអភិវឌ្ឍវិស័យទេសចរណ៍នៅក្នុងតំបន់ប្រាសាទបាកាន ។
    សូមបញ្ជាក់ថា ប្រាសាទបាកាន (ព្រះខ័នកំពង់ស្វាយ) មានទីតាំងស្ថិតនៅភូមិបាកានឃុំរណសិរ្ស ស្រុកសង្គមថ្មី ខេត្តព្រះវិហារ និងមានចម្ងាយ១០៥គីឡូម៉ែត្រពីក្រុងអង្គរ ។ ប្រាសាទបាកាន កសាងឡើងក្នុងសម័យអង្គរ ស្ថិតនៅរវាងពាក់កណ្តាលសតវត្សទី១១ និងដើមសតវត្សទី១៤។ ប្រាង្គកណ្តាលប្រាសាទបាកាន កសាងឡើងក្នុងពាក់កណ្តាលសតវត្សទី១២ ដែលស្ថិតក្នុងរចនាបថអង្គរវត្ត ចំណែកប្រាសាទរណបនៅជុំវិញ កសាងឡើងនៅចុងសតវត្សទី១២និងដើមសតវត្សទី១៣ ស្ថិតក្នុងរចនាបថបាយ័ន និងមានប្រាសាទមួយទៀតកសាងឡើងនៅក្នុងសតវត្សទី១១ សម្រាប់ឧទ្ទិសទៅព្រហ្មញ្ញសាសនាតែសាងសង់មិនទាន់រួចនៅឡើយទេ ។ ក្រុមប្រាសាទបាកាន ភាគច្រើនកសាងឡើងសម្រាប់ឧទ្ទិសដល់ព្រះពុទ្ធសាសនា ។
    ប្រភព៖នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ឈើយ ចាន់ណា បានអញ្ជើញដាំកូនឈើ និងចែកជូនកូនឈើដល់សាលារៀនមួយចំនួនក្នុងស្រុកស្វាយចេក ខេត្តបន្ទាយមានជ័យ
    thumbnail
     
    ឯកឧត្តមបណ្ឌិត ធន់ វឌ្ឍនា ដឹកនាំកិច្ចប្រជុំរបស់គណៈកម្មការទី២ ព្រឹទ្ធសភា
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៥ ចុះពិនិត្យស្រះទឹក និងដាំកូនឈើប្រណិត នៅស្រុកកំពង់ត្រាច ខេត្តកំពត
    thumbnail
     
    ឯកឧត្តម ស្លេះពុនយ៉ាមុីន សមាជិកព្រឹទ្ធសភា ប្រចាំភូមិភាគ២ បានចុះសួរសុខទុក្ខនិងសំណេះសំណាលជាមួយលោកគ្រូ អ្នកគ្រូខ្មែរឥស្លាមនៃអនុវិទ្យាល័យ សម្តេចតេជោ ហ៊ុនសែន
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៥ ដឹកនាំក្រុមគ្រូពេទ្យស្ម័គ្រចិត្ត នៃសមាគមបេសកកម្មមនុស្សធម៌ នៅកម្ពុជា ចុះពិនិត្យព្យាបាលជំងឺ ជូនប្រជាពលរដ្ឋ នៅស្រុកកំពង់ត្រាច ខេត្តកំពត