ព្រឹកថ្ងៃអង្គារ៍ ៥រោច ខែសា្រពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី០៥ ខែសីហា ឆ្នាំ២០២៣ ឯកឧត្តមកិត្តិនីតិកោសលបណ្ឌិត ម៉ុម ជឹមហ៊ុយ ប្រធានគណៈកម្មការទី៧ ព្រឹទ្ធសភា និងជាអនុប្រធានក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចុះជួបសំណេះសំណាល និងពិភាក្សាការងារជាមួយក្រុមប្រឹក្សាសង្កាត់កន្ទោក ខណ្ឌកំបូល រាជធានីភ្នំពេញ។ បន្ទាប់ពីបានស្តាប់សេចក្តីរាយការណ៍ រួចមក ឯកឧត្តមកិត្តិនីតិកោសលបណ្ឌិត បានសម្តែងការកោតសរសើរ ថ្លែងអំណរគុណ និងលើកទឹកចិត្ត ចំពោះអាជ្ញាធរមូលដ្ឋាន ដែលបានរួមកម្លាំងគ្នាបំពេញការងារដោយកចិត្តទុកដាក់ក្នុងស្មារតីទទួលខុសត្រូវខ្ពស់ លើការផ្តល់សេវាសាធារណៈ និងការដោះស្រាយបញ្ហាប្រឈមនានា បានទាន់ពេលវេលា។ សូមកុំមានគំនិតគ្រប់គ្រាន់និយម មានការព្យាយាម និងសុទិដ្ឋិនិយមជានិច្ច ដោយប្រែក្លាយសុច្ឆន្ទៈទៅជាសកម្មភាព និងលទ្ធផលជាក់ស្តែង ដើម្បីជាប្រយោជន៍រួមរបស់ប្រជាពលរដ្ឋ។ ត្រូវបន្តថែរក្សាសន្តិភាព ស្ថិរភាព វិបុលភាព និងការអភិវឌ្ឍរីកចម្រើនជានិរន្តរ៍ នៃសង្គមជាតិយើង។ ក្នុងឱកាសនោះក៏បានឧបត្ថម្ភថវិកាចំនួនផងដែរ។
