នារសៀលថ្ងៃទី២៩ និងព្រឹកថ្ងៃទី៣០ ខែកញ្ញា ឆ្នាំ២០២៣ លោកជំទាវ ឃួន ឃុនឌី សមាជិកាគណៈកម្មការ ទី៥ ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគទី៨ ព្រមទាំងក្រុមគ្រួសារ បានអញ្ជើញកាន់បិណ្ឌវេន ទី១ នៅវត្តឥន្តប្បត្តបូរី (ហៅវត្តអង្គរតូចខាងត្បូង) ដើម្បីឧទ្ទិសកុសលជូនដល់បុព្វការីជន ជីដូនជីតា ញាតិកាទាំង៧សណ្ដាន ដែលលោកបានចែកឋានទៅកាន់លោកខាងមុខ និងបានប្រគេនបច្ច័យដល់ព្រះគ្រូចៅអធិការវត្តមូយចំនួនសម្រាប់ទុកកសាង។ ក្នុងកម្មវិធីនោះផងដែរ លោកជំទាវបានចែកអំណោយជូនដល់លោកយាយ លោកតាចំនួន១៥០នាក់ ដោយក្នុងម្នាក់ៗទទួលបានអង្ករ២៥គីឡូក្រាម មី១កេះ ទឹកត្រី១យួរ ទឹកស៊ីអ៊ីវ១យួរ សារ៉ុង១ និងថវិកា២ម៉ឺនរៀល ស្ថិតនៅវត្តឥន្តប្បត្តបុរី (ហៅវត្តអង្គរតូចខាងត្បូង) ឃុំក្រវ៉ាន់ ស្រុកអង្គរធំ ខេត្តសៀមរាប។
