ក្រុមសមាជិកព្រឹទ្ធសភាក្រុមទី៥ ប្រជុំពិនិត្យពិភាក្សាត្រៀមយោបល់លើសេចក្តីព្រាងច្បាប់ស្តីពី ការបង្កើតរដ្ឋលេខាធិការដ្ឋានអាកាសចរណ៍ស៊ីវិល
នារសៀលថ្ងៃទី១១ ខែតុលា ឆ្នាំ២០២៣ ក្រុមសមាជិកព្រឹទ្ធសភាក្រុមទី៥ បានប្រជុំក្រោមអធិបតីភាពឯកឧត្តមគង់ សារាជ ប្រធានគណៈកម្មការទី៩ព្រឹទ្ធសភា និងជាប្រធានក្រុមសមាជិកព្រឹទ្ធសភាក្រុមទី៥ ដើម្បីពិនិត្យពិភាក្សាត្រៀមផ្តល់យោបល់លើសេចក្តីព្រាងច្បាប់ស្តីពី ការបង្កើតរដ្ឋលេខាធិការដ្ឋានអាកាសចរណ៍ស៊ីវិល នៅសាលប្រជុំគណៈកម្មការទី១០ព្រឹទ្ធសភា។
សូមជម្រាបថា សេចក្តីព្រាងច្បាប់ស្តីពី ការបង្កើតរដ្ឋលេខាធិការដ្ឋានអាកាសចរណ៍ស៊ីវិល នឹងដាក់ចូលជារបៀបវារៈ ក្នុងសម័យប្រជុំលើកទី១១ ព្រឹទ្ធសភានីតិកាលទី៤ ដើម្បីពិនិត្យហើយឱ្យយោបល់ នាថ្ងៃទី១៧ ខែតុលា ឆ្នាំ២០២៣ខាងមុខ៕
ប្រភព៖នាយកដ្ឋានព័ត៌មាន
