khmer eng
  • ឯកឧត្តម ហែម ខន អនុប្រធានក្រុមសមាជិកព្រឹទ្ធសភាប្រចាំភូមិភាគទី៧ បានផ្តួចផ្តើមរៀបចំអង្គកឋិនទានដង្ហែទៅវេរប្រគេនព្រះសង្ឃដែលគង់ចាំព្រះវស្សាអស់ត្រីមាសក្នុងពុទ្ធសីមាវត្តអង្គសុធម្មារង្សី ហៅវត្តអង្គថី ស្ថិតក្នុងឃុំព្នាយ ស្រុកសំរោងទង ខេត្តកំពង់ស្ពឺ
     
    ចែករំលែក ៖

    នាព្រឹកថ្ងៃព្រហស្បតិ៍ ១៣រោច ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៥ ខែតុលា ឆ្នាំ២០២០ ឯកឧត្តម ហែម ខន អនុប្រធានក្រុមសមាជិកព្រឹទ្ធសភាប្រចាំភូមិភាគទី៧ និងលោកជំទាវ ព្រមទាំងបុត្រ ញាតិមិត្ត រួមជាមួយថ្នាក់ដឹកនាំខេត្តកំពង់ស្ពឺ មន្ត្រីជុំវិញខេត្ត ក្រុមការងារចុះជួយស្រុកសំរោងទង និងក្រុមប្រឹក្សាឃុំព្នាយ ព្រមទាំងពុទ្ធបរិស័ទជិតឆ្ងាយ បានផ្តួចផ្តើមរៀបចំអង្គកឋិនទានដង្ហែទៅវេរប្រគេនព្រះសង្ឃដែលគង់ចាំព្រះវស្សាអស់ត្រីមាសក្នុងពុទ្ធសីមាវត្តអង្គសុធម្មារង្សី ហៅវត្តអង្គថី ស្ថិតក្នុងឃុំព្នាយ ស្រុកសំរោងទង ខេត្តកំពង់ស្ពឺ។

    អង្គកឋិនទានបានដង្ហែប្រទក្សិណបីជុំ ជុំវិញព្រះវិហារ និងថ្វាយគ្រឿងសក្ការៈបូជា ថ្វាយចំពោះព្រះពុទ្ធរូបស្នងអង្គព្រះសម្មាសម្ពុទ្ធ ព្រះបរមគ្រូនៃយើង និងបានប្រារព្ធនូវបទនមស្ការ ព្រះរតនត្រ័យ ថ្វាយបង្គំព្រះ សមាទានសីល ដើម្បីគោរពរំឭកដល់គុណបុណ្យព្រះរតនត្រ័យកែវទាំងបី មានព្រះពុទ្ធ ព្រះធម៌ និងព្រះសង្ឃ រួចវេរប្រគេនគ្រឿងបរិក្ខារអង្គកឋិនទានដល់ព្រះសង្ឃជាកិច្ចបង្ហើយបុណ្យ។

    បរិក្ខារកឋិនមាន ត្រ័យធំ១ ត្រ័យសូត្រ២ ត្រ័យលៀងមួយចំនួនធំ និងបច្ច័យសង្កត់ត្រ័យសរុប ចំនួន ៥៤,៥៥៩,៥០០រៀល និង ១២,៧៨០ ដុល្លារអាមេរិក។


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តមបណ្ឌិត ម៉ុង ឫទ្ធី ទទួលជួបពិភាក្សាការងារជាមួយឯកអគ្គរដ្ឋទូតសាធារណរដ្ឋអ៊ីស្លាម ប៉ាគីស្ថាន
    thumbnail
     
    លិខិតរំលែកទុក្ខ របស់ គណៈកម្មការទី៥ ព្រឹទ្ធសភា ជូន ឯកឧត្តម ឌួង អេលីត និងលោកជំទាវ ព្រមទាំងក្រុមគ្រួសារ
    thumbnail
     
    សារលិខិតរំលែកទុក្ខ របស់ គណៈកម្មការទី៥ ព្រឹទ្ធសភា ជូនចំពោះ ឯកឧត្តម សួន លន់ សមាជិកគណៈកម្មការអង្កេត បោសសម្អាត និងប្រឆាំងអំពើពុករលួយ
    thumbnail
     
    ឯកឧត្តម ម៉ាន់ ឈឿន ចុះសំណេះសំណាល និងសួរសុខទុក្ខ លោក សូ ជា ប្រធានក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ
    thumbnail
     
    លិខិតរំលែកទុក្ខ របស់ គណៈកម្មការទី៥ ព្រឹទ្ធសភា ជូន ឯកឧត្តម សួន លន់ សមាជិកគណៈកម្មការអង្កេត បោសសម្អាត និងប្រឆាំងអំពើពុករលួយ