លោកជំទាវកិតិ្តនីតិកោសលបណ្ឌិត ទី បូរ៉ាស៊ី អញ្ជើញដឹកនាំកិច្ចប្រជុំគណៈកម្មការទី៥ ព្រឹទ្ធសភា
នាព្រឹកថ្ងៃទី០១ ខែវិច្ឆិកា ឆ្នាំ២០២៣ គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃព្រឹទ្ធសភា (គណៈកម្មការទី៥) បានរៀបចំកិច្ចប្រជុំផ្ទៃក្នុងគណៈកម្មការ ក្រោមអធិបតីភាពលោកជំទាវកិតិ្តនីតិកោសលបណ្ឌិត ទី បូរ៉ាស៊ី ប្រធានគណៈកម្មការទី៥ព្រឹទ្ធសភា ដើម្បីពិនិត្យ និងពិភាក្សាលើរបៀបវារៈរួមមាន៖
១-បូកសរុបរបាយការណ៍សកម្មភាពការងារប្រចាំខែតុលា ឆ្នាំ២០២៣
២-ការត្រៀមចុះបេសកកម្មទៅខេត្តសៀមរាប នាថ្ងៃទី២១-២៤ ខែវិច្ឆិកា ឆ្នាំ២០២៣
៣-បូកសរុបរបាយការណ៍ចំណូល-ចំណាយថវិកាប្រចាំខែតុលា ឆ្នាំ២០២៣
៤-បញ្ហាផ្សេងៗ (ការចូលរួមមតិរបស់ ឯកឧត្តម លោកជំទាវ សមាជិក សមាជិកា អង្គប្រជុំ)។
ប្រភព៖នាយកដ្ឋានព័ត៌មាន
