លោកជំទាវ សាយ ចាន់ណាក់ អញ្ជើញនាំយកថវិការបស់សម្តេចប្រធានព្រឹទ្ធសភា និងលោកជំទាវ ទៅប្រគេនព្រះគ្រូចៅអធិការវត្តវាលស្បូវ
នាព្រឹកថ្ងៃអាទិត្យ ទី១២ ខែវិច្ឆិកា ឆ្នាំ២០២៣ លោកជំទាវ សាយ ចាន់ណាក់ នាយិការងខុទ្ទកាល័យសម្តេចប្រធានព្រឹទ្ធសភា បានអញ្ជើញនាំយកថវិការបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា និងលោកជំទាវ ទៅប្រគេនព្រះគ្រូចៅអធិការវត្តវាលស្បូវ ស្ថិតក្នុងសង្កាត់វាលស្បូវ ខណ្ឌច្បារអំពៅ រាជធានីភ្នំពេញ ដើម្បីជាវកៅអីចំនួន ១០០កៅអី សម្រាប់ប្រើប្រាស់ក្នុងវត្ត និងឧបត្ថម្ភដល់ទូកង វាលស្បូវសែនជ័យ ដែលនឹងចូលរួមការប្រកួតនាឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នាពេលខាងមុខនេះ។
ប្រភព៖ ខុទ្ទកាល័យសម្តេចប្រធានព្រឹទ្ធសភា
ខ្លឹមសារ៖ នាយកដ្ឋានព័ត៌មាន
