នាព្រឹកថ្ងៃទី១៤ ខែវិច្ឆិកា ឆ្នាំ២០២៣ ឯកឧត្តម យ៉ង់ សែម ប្រធានគណៈគណៈកម្មការទី១ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី៨ រួមជាមួយឯកឧត្តមលោកជំទាវសមាជិក បានអញ្ជើញជួបសំណេះសំណាលជាមួយនឹងអាជ្ញាធរស្រុក ក្រុមប្រឹក្សាឃុំ ស្មៀនឃុំ និងនាយប៉ុស្តិ៍នគរបាល ក្នុងឃុំទាំង៥ សរុបចំនួន៦៦នាក់ នៅសាលាស្រុកសៀមប៉ាង ខេត្តស្ទឹងត្រែង។
ពិធីសំណេះសំណាលនេះ រៀបចំឡើងក្នុងគោលបំណង៖
១.ផ្សព្វផ្សាយគោលនយោបាយដល់ក្រុមប្រឹក្សាឃុំដែលជាអង្គបោះឆ្នោត ដើម្បីត្រៀមលក្ខណៈសម្រាប់ឆ្ពោះទៅកាន់ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ដែលនឹងប្រព្រឹត្តទៅនៅថ្ងៃទី២៥ ខែកុម្ភៈ ឆ្នាំ២០២៤ នាពេលខាងមុខ។
២.ឈ្វេងយល់អំពីការអនុវត្តតួនាទីភារកិច្ចរបស់ក្រុមប្រឹក្សាឃុំ បញ្ហាប្រឈមនានា និងសំណូមពរផ្សេងៗរបស់ក្រុមប្រឹក្សាឃុំនីមួយៗ ដែលបាននឹងកំពុងជួបប្រទះ ដើម្បីរៀបចំជារបាយការណ៍ជូនគណៈកម្មាធិការអចិន្ត្រៃយ៍ និងក្រសួង ស្ថាប័នពាក់ព័ន្ធពិនិត្យដោះស្រាយ…។

ប្រភព៖នាយកដ្ឋានព័ត៌មាន