khmer eng
  • គណៈកម្មការទី៩ ព្រឹទ្ធសភា បានប្រជុំពិនិត្យសិក្សាសេចក្តីព្រាងច្បាប់ជាមួយតំណាងរាជរដ្ឋាភិបាល
     
    ចែករំលែក ៖

    នារសៀលថ្ងៃទី២១ ខែវិច្ឆិកា ឆ្នាំ២០២៣ គណៈកម្មការសាធារណការ ដឹកជញ្ជូន អាកាសចរស៊ីវិល ប្រៃសណីយ៍ ទូរគមនាគមន៍ ឧស្សហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់នៃព្រឹទ្ធសភា (គណៈកម្មការទី៩) ដឹកនាំដោយឯកឧត្តម គង់ សារាជ ប្រធានគណៈកម្មការ បានអញ្ជើញជាអធិបតីភាពក្នុងកិច្ចប្រជុំអន្តរគណៈកម្មការព្រឹទ្ធសភា ជាមួយតំណាងរាជរដ្ឋាភិបាល ដឹកនាំដោយលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ដើម្បីពិនិត្យសិក្សាលើសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងភាពជាដៃគូសេដ្ឋកិច្ចគ្រប់្រជុងជ្រោយ រវាងរាជរដ្ឋាភិបាលនៃព្រះរាជាណាចក្រកម្ពុជានិងរដ្ឋាភិបាលនៃអេមីរ៉ាតអារ៉ាប់រួម នៅសាលប្រជុំពិសេស៣ វិមានព្រឹទ្ធសភា។
    សេចក្តីព្រាងច្បាប់នេះតាក់តែងឡើងមាន ១៧ជំពូក និង២៥៧មាត្រា មានគោលបំណង៖
    -ជំរុញការធ្វើសមាហរណកម្មនិងពិពិធកម្មសេដ្ឋកិច្ច ឆ្លើយតបទៅនឹងយុទ្ធសាស្ត្រចតុកោណដំណាក់កាលទី៤ និងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល តាមរយៈការធ្វើឱ្យប្រសើរឡើងនូវការធ្វើពាណិជ្ជកម្មរវាងប្រទេសទាំងពីរ ដោយអនុលោមតាមច្បាប់
    ពាណិជ្ជកម្មអន្តរជាតិ។
    -ជំរុញការបំពេញបន្ថែមនូវថាមវន្តក្នុងវិស័យសេដ្ឋកិច្ច ពាណិជ្ជកម្ម និងវិនិយោគ ស្របតាមឯកទេសភាវូបនីយកម្មនិងសក្តានុពលដែលមានស្រាប់រវាងកម្ពុជានិងអេមីរ៉ាតអារ៉ាប់រួម តាមរយៈការបង្កើតនូវបរិយាកាសអំណោយផល សុវត្ថិភាព និងភាពអាចប៉ាន់ប្រមាណបាន សម្រាប់
    ជំរុញនិងអភិវឌ្ឍកិច្ចសហប្រតិបត្តិការគ្រប់ជ្រុងជ្រោយ។
    -លើកកម្ពស់កិច្ចសម្រួលពាណិជ្ជកម្ម តាមរយៈការអនុវត្តនូវវិធានពាណិជ្ជកម្ម និងវិនិយោគរបស់ភាគីទាំងពីរនិងការជំរុញនវានុវត្តន៍លើគ្រប់វិស័យដែលផ្តល់ផលប្រយោជន៍ទៅវិញទៅមក។
    -បង្កើតជាក្របខ័ណ្ឌសម្រាប់ពង្រឹងនូវកិច្ចសហប្រតិបត្តិការលើគ្រប់វិស័យ និងលើកកម្ពស់កាលានុវត្តភាពថ្មីសម្រាប់ជំរុញការធ្វើពាណិជ្ជកម្មនិងទាក់ទាញការវិនិយោគ សំដៅចូលរួមជំរុញកំណើនសេដ្ឋកិច្ចនិងកាត់បន្ថយភាពក្រីក។
    -ចូលរួមបង្កើនផលិតភាព គុណភាព និងលើកកម្ពស់ការប្រកួតប្រជែង សម្រាប់ផលិតផលទំនិញនិងសេវា តាមរយៈការផ្តល់ការគាំទ្រដល់សហគ្រាសធុនតូចនិងមធ្យម។
    -ជំរុញការធ្វើពិពិធកម្មទីផ្សារនាំចេញផលិតផលកម្ពុជាទៅកាន់ទីផ្សារថ្មីៗ ពិសេសទីផ្សារមជ្ឈឹមបូព៌ា និងអាហ្វ្រិក។
    -ចូលរួមជំរុញកំណើនសេដ្ឋកិច្ចជាតិប្រកបដោយចីរភាព ភាពធន់ បង្កើតការងារ និងលើកកម្ពស់ជីវភាពរស់នៅរបស់ប្រជាពលរដ្ឋ…។

    ប្រភព៖នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្ដម នាង ផាត ជាប្រធានក្រុមសមាជិកព្រឹទ្ធសភាប្រចាំភូមិភាគទី៨ បានអញ្ជើញដឹកនាំកិច្ចប្រជុំជាមួយមន្រ្ដីការិយាល័យអមក្រុមភូមិភាគទី៨ ដើម្បីពិនិត្យលើការងារសម្រេចបាននាពេលកន្លងមក
    thumbnail
     
    ឯកឧត្តមបណ្ឌិត ម៉ុង ឫទ្ធី ដឹកនាំកិច្ចប្រជុំផ្ទៃក្នុងគណៈកម្មការទី៣ ព្រឹទ្ធសភា
    thumbnail
     
    ឯកឧត្ដម នាង ផាត ប្រធានគណៈកម្មការទី៤ បានអញ្ជើញដឹកនាំកិច្ចប្រជុំជាមួយមន្រ្ដីការិយាល័យជំនួយការគណៈកម្មការទី៤ ដើម្បីត្រួតពិនិត្យលើការងារសម្រេចបាននាពេលកន្លងមក និង ណែនាំមន្រ្ដីជំនួយការក្នុងការបំពេញការងារចាំបាច់មួយចំនួនបន្ថែមទៀត
    thumbnail
     
    សម្តេចតេជោ ហ៊ុន សែន អនុញ្ញាតឱ្យអនុប្រធានគណៈកម្មាធិការអចិន្ត្រៃយ៍នៃសភាប្រជាជនចិនទូទាំងប្រទេស ចូលជួបសម្តែងការគួរសម និងពិភាក្សាការងារ
    thumbnail
     
    ឯកឧត្តមបណ្ឌិត ម៉ុង ឫទ្ធី ដឹកនាំកិច្ចប្រជុំក្រុមសមាជិក ព្រឹទ្ធសភាប្រចាំភូមិភាគទី៧