លោកជំទាវ មាន សំអាន និងលោកជំទាវ ឃួន ឃុនឌី បានដង្ហែអង្គកឋិនទានមហាសាមគ្គី ដើម្បីវេរប្រគេនព្រះសង្ឃ ដែលលោកគង់ចាំព្រះវស្សាអស់ត្រីមាស
នាព្រឹកថ្ងៃទី២៧ ខែវិច្ឆិកា ឆ្នាំ២០២៣ លោកជំទាវ មាន សំអាន ប្រធានគណៈកម្មការទី ៨ ព្រឹទ្ធសភា និងលោកជំទាវ ឃួន ឃុនឌី សមាជិកាគណ:កម្មការទី ៥ ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគទី ៨ ព្រមទាំងពុទ្ធបរិស័ទ្ធចំណុះជើងវត្ត ពាមមេត្រី បានមូលមតិគ្នាជាឯកច្ឆ័ន្ទផ្តួចផ្តើមដង្ហែអង្គកឋិនទានមហាសាមគ្គី ដើម្បីវេរប្រគេនព្រះសង្ឃ ដែលលោកគង់ចាំព្រះវស្សាអស់ត្រីមាសនៅព័ទ្ធសីមាវត្តពាមមេត្រី ស្ថិតនៅភូមិពោធិ៍ ឃុំត្បែង ស្រុកកំពង់ស្វាយ ខេត្តកំពង់ធំ។
