khmer eng
  • ឯកឧត្តម អ៊ឹង លាងហ៊ួ បានអញ្ជើញសំណេះសំណាលសាកសួរសុខទុក្ខ និងឈ្វេងយល់ពីសភាពការណ៍ទូទៅរបស់ឃុំព្រៃគ្រី ស្រុកជលគិរី ខេត្តកំពង់ឆ្នាំង 
     
    ចែករំលែក ៖

    នាព្រឹកថ្ងៃព្រហស្បតិ៍ ទី២១ ខែធ្នូ ឆ្នាំ២០២៣ នៅសាលាឃុំព្រៃគ្រីស្រុកជលគិរី ខេត្តកំពង់ឆ្នាំង ឯកឧត្តម អ៊ឹង លាងហ៊ួ សមាជិកគណ:កម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ បានអញ្ជើញជួបប្រជុំជាមួយក្រុមប្រឹក្សាឃុំ ស្មៀនឃុំ ជំនួយការស្មៀន មេប៉ុស្តិ៍រដ្ឋបាលឃុំ ចំនួន១០រូប ស្ត្រី ២រូប ដើម្បីសំណេះសំណាលសាកសួរសុខទុក្ខ និងឈ្វេងយល់ពីសភាពការណ៍ទូទៅរបស់ឃុំ បញ្ហាប្រឈម និងផែនការបន្ត។ បន្ទាប់ពីបានស្ដាប់របាយការណ៍លោកស្រីមេឃុំរួចមក ឯកឧត្តម បានកោតសរសើរ និងវាយតម្លៃខ្ពស់ចំពោះកិច្ចខិតខំកន្លងមកក្នុងការដឹកនាំគ្រប់គ្រង ធ្វើឲ្យមូលដ្ឋានរក្សាបានសន្តិសុខសណ្ដាប់ធ្នាប់សង្គម ការត្រៀមលក្ខណ: សម្រាប់បង្កបង្កើន ផល ស្រែ ចម្ការ នារដូវសម្រក…។ ឯកឧត្តម បានសំណូម ពរ កុំបីស្កប់ស្កល់ចំពោះស្នាដៃសម្រេចបានកន្លងមក ត្រូវបន្តសាមគ្គីផ្ទៃក្នុង បង្កើនការផ្ដល់សេវាជូនប្រជាពលរដ្ឋឲ្យបានល្អទាន់ ពេលពិសេសអំពីសំបុត្រកំណើតអាពាហ៍ពិពាហ៍ មរណភាព ព្រមទាំងឯកសារបម្រើឲ្យការកំពុងចុះបញ្ជីដីធ្លីមានលក្ខណ:ជាប្រព័ន្ធក្នុងមូលដ្ឋាន ត្រូវបន្តយកចិត្តទុកដាក់បំផុតធ្វើឲ្យភូមិឃុំមានសុវត្ថិភាព ដោយបំផុសចលនាប្រជាជនម្នាក់ជាប្រជាការពារម្នាក់ ត្រូវខិតខំដោះស្រាយទំនាស់ក្រៅប្រព័ន្ធតុលាការ សហការជាមួយសាលារៀនពីការលក់ដូរចំណីអាហារ ត្រូវបំផុសចលនាអនាម័យភូមិស្ថាន ពិសេសកាត់បន្ថយការប្រើថង់ប្លាស្ទិក…. និងចុងក្រោយបានជម្រាបជូនពីផែនការឆ្ពោះទៅកាន់កាបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ ដែលកាន់តែខិតជិតមកដល់ ដោយសង្កត់លើអង្គបោះឆ្នោត អំពីការថែរក្សាសុខភាព និងឯកសារសម្រាប់បម្រើឲ្យថ្ងៃបោះឆ្នោត។ ចុងបញ្ចប់ក៏បានឧបត្ថម្ភថវិកាមួយចំនួនផងដែរ។

     


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ជឹម លាវ លេខាធិការគណៈកម្មការទី១ ព្រឹទ្ធសភា បានដឹកនាំកិច្ចប្រជុំ ជាមួយមន្ត្រីការិយាល័យជំនួយការគណៈកម្មការទី១ ដើម្បីត្រៀមរៀបចំកិច្ចប្រជុំផ្ទៃក្នុងគណៈកម្មការ ដែលនឹងប្រព្រឹត្តទៅនៅថ្ងៃទី២៦ ខែមិថុនា ឆ្នាំ២០២៤
    thumbnail
     
    ឯកឧត្តម អន ស៊ុំ សមាជិកក្រុមសមាជិកព្រឹទ្ធសភាប្រចាំភូមិភាគទី៤ បានអញ្ចើញចូលរួមដាំកូនឈើ ចំនួន ៦០០ ដើម នៅវិទ្យាល័យរហាល ឃុំរហាល ស្រុកព្រះនេត្រព្រះ ខេត្តបន្ទាយមានជ័យ។
    thumbnail
     
    ឯកឧត្តម ប្រាក់ ចំរើន អញ្ជើញចុះជួបសំណេះសំណាលជាមួយក្រុមប្រឹក្សាឃុំ និងពិនិត្យស្រះទឹក ស្ថិតក្នុងឃុំជ្រៃលាស់ ស្រុកពញាឮ ខេត្តកណ្តាល
    thumbnail
     
    ឯកឧត្តម ឡាយ សំកុល ជួបសំណេះសំណាលមន្ត្រីរាជការនៃអ.ពស មុនចេញទៅសិក្សា នៅប្រទេសឥណ្ឌា
    thumbnail
     
    សមាជិក សមាជិកាព្រឹទ្ធសភា បានអញ្ជើញចូលរួមជាកិត្តិយសក្នុងព្រះរាជពិធីបុណ្យទីឃាយុវឌ្ឍនមង្គល ប្រោះព្រំព្រះសុគន្ធវារី ថ្វាយសម្តេចព្រះមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែត សម្តេចព្រះមហាសង្ឃរាជស្តីទី នៃព្រះរាជាណាចក្រកម្ពុជា គម្រាប់ព្រះជន្ម១០០ យាងចូល១០១ព្រះវស្សា