khmer eng
  • ឯកឧត្តម ឆាយ វណ្ណា ចុះជួបសំណេះសំណាលក្រុមប្រឹក្សាឃុំបឹងព្រួល ស្រុកត្បូងឃ្មុំ ខេត្តត្បូងឃ្មុំ
     
    ចែករំលែក ៖

    នាព្រឹកថ្ងៃសៅរ៍ ទី៦ ខែមករា ឆ្នាំ២០២៤ ឯកឧត្តម ឆាយ វណ្ណា លេខាធិការគណៈកម្មការទី៥ ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី២ បានអញ្ជើញចុះជួបសំណេះសំណាល និងសួសុខទុក្ខក្រុមប្រឹក្សាឃុំបឹងព្រួល ស្រុកត្បូងឃ្មុំ ខេត្តត្បូងឃ្មុំ។
    ក្រោយពីបានស្តាប់របាយការណ៍លោកប្រធានក្រុមប្រឹក្សាឃុំបឹងព្រួល លោកប្រធាននគបាលប៉ុស្តិ៍ឃុំ លោកស្រីទទួលបន្ទុក(កគនក) និងលោកស្មៀនឃុំរួចមក ឯកឧត្ដម ឆាយ វណ្ណា បានថ្លែងអំណរគុណចំពោះការផ្តល់សេវាសាធារណៈជូនប្រជាពលរដ្ឋ ជួយដោះស្រាយសំណូមពរប្រជាពលរដ្ឋបានយ៉ាងល្អ និងខិតខំបន្តដោះស្រាយបញ្ហាដែលនៅសេសសល់តាមសំណូមពររបស់ប្រជាពលរដ្ឋ។ ក្នុងនោះ ឯកឧត្ដមបានជំរុញការអនុវត្តគោលនយោបាយភូមិ ឃុំមានសុវត្ថិភាពទាំង៧ចំណុច ដើម្បីប្រជាពលរដ្ឋរស់នៅប្រកបដោយសេចក្តីសុខក្សេមក្សាន្ត។
    ទន្ទឹមនោះ ចំពោះការបោះឆ្នោតជ្រើសសមាជិកព្រឹទ្ធសភា នីតិកាលទី៥ ដែលនឹងប្រព្រឹត្តិទៅនៅថ្ងៃទី២៥ ខែកុម្ភៈ ឆ្នាំ២០២៤ខាងមុខ ឯកឧត្ដម ឆាយ វណ្ណា បានលើកឡើងឱ្យសមាជិកក្រុមប្រឹក្សាឃុំទាំងអស់ត្រូវត្រៀមលក្ខណៈដើម្បីអញ្ជើញទៅបោះឆ្នោតឱ្យបានគ្រប់ៗគ្នា។
    ជាទីបញ្ចប់ ឯកឧត្ដម ឆាយ វណ្ណា បាននំាយកអំណោយចែកជូនក្រុមប្រឹក្សាឃុំទាំងអស់ ដោយក្នុងម្នាក់ៗទទួលបានសារុង១ និងថវិកាចំនួន ២០,០០០រៀល។

    សម្រួលខ្លឹមសារ៖ នាយដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាព ក្នុងកិច្ចប្រជុំបូកសរុបលទ្ធផលការងាររបស់ អគ្គលេខាធិការដ្ឋានព្រឹទ្ធសភាប្រចាំខែកុម្ភៈ និងកំណត់ទិសដៅការងារប្រចាំខែមីនា ឆ្នាំ២០២៤ 
    thumbnail
     
    ឯកឧត្តម ឡៅ ឆន បានរៀបចំចង្ហាន់ បង្អែម ភេសជ្ជៈ និងថវិកាមួយចំនួន ធ្វើសង្ឃទាន និងវេរប្រគេនព្រះសង្ឃចំនួន២វត្ត ស្ថិតនៅក្រុងសៀមរាប ខេត្តសៀមរាប
    thumbnail
     
    ឯកឧត្តមកិត្តិនីតិកោសលបណ្ឌិត ស៊ឹម កា ដឹកនាំគណៈប្រតិភូព្រឹទ្ធសភា អញ្ជើញគោរពវិញ្ញាណក្ខន្ធព្រះសពសម្ដេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស
    thumbnail
     
    សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៃព្រះរាជាណាចក្រកម្ពុជា បានអញ្ជើញដាក់កម្រងផ្កាគោរពវិញ្ញាណក្ខន្ធព្រះសពសម្តេចព្រះអគ្គមហាសង្ឃរាជាធិបតីកិត្តិឧទ្ទេសបណ្ឌិត ទេព វង្ស សម្ដេចព្រះមហាសង្ឃរាជនៃព្រះរាជាណាចក្រកម្ពុជា
    thumbnail
     
    ឯកឧត្តម យ៉ង់ សែម បានអញ្ជើញដឹកនាំកិច្ចប្រជុំត្រៀមលក្ខណៈសម្រាប់ការចូលរួមមហាសន្និបាតសហភាពអន្តរសភាលើក១៤៨ (IPU-148) នៅទីក្រុងហ្សឺណែល ប្រទេសស្វីស