ក្រុមសមាជិក ព្រឹទ្ធសភាប្រចាំភូមិភាគទី៥ ដឹកនាំដោយឯកឧត្តម ខៀវ មុត ប្រធានក្រុម និងជាអនុប្រធានគណៈកម្មការទី១ព្រឹទ្ធសភា នាព្រឹកថ្ងៃទី១២ ខែមករា ឆ្នាំ២០២៤ បានអញ្ជើញចុះជួបសំណេះ សំណាល សួរសុខទុក្ខថ្នាក់ ដឹកនាំស្រុក និងក្រុមប្រឹក្សាឃុំទាំង១០នៃស្រុកដងទង់ ខេត្តកំពត រួមមាន៖ ១.ឃុំដំណាក់សុក្រំ ២.ឃុំដងទង់ ៣.ឃុំ ខ្ជាយខាងជើង ៤.ឃុំខ្ជាយខាងត្បូង ៥.ឃុំមានរិទ្ធិ ៦.ឃុំស្រែជាខាងជើង ៧.ឃុំស្រែជាខាងត្បូង ៨.ឃុំទទុង ៩.ឃុំអង្គរមាស និង១០.ឃុំល្អាង ដោយមានអ្នកចូលរួមសរុប៦០នាក់ នៅសាលប្រជុំសាលាស្រុកដងទង់ ខេត្តកំពត។
អង្គពិធីបានប្រព្រឹត្តិទៅដោយមានរបៀបវារៈរួមមាន៖
១-មតិស្វាគមន៍របស់លោក កឹម បូណា អភិបាលនៃគណៈអភិបាលស្រុកដងទង់។
២-ឯកឧត្តម ខៀវ មុត ប្រធានគណៈអធិបតី បានទទួលការផ្តាំផ្ញេីសួរសុខទុក្ខពីសម្តេចវិបុលសេនាភក្តី ប្រធានព្រឹទ្ធសភា និងជម្រាបអំពីគោលបំណងខ្លឹមសារសំខាន់ៗនៃកិច្ចសំណេះសំណាលនាព្រឹកនេះ។
៣-ឯកឧត្តម ទេព យុទ្ធី លេខាធិការក្រុមសមាជិកព្រឹទ្ធសភាប្រចាំភូមិភាគទី៥ ធ្វើសេចក្តីរាយការណ៍អំពីសមិទ្ធផលរបស់ក្រុមសមាជិកព្រឹទ្ធសភាប្រចាំភូមិភាគទី៥ ក្នុងនីតិកាលទី៤នៃព្រឹទ្ធសភា។
៤-មតិសំណេះសំណាល បូកសរុប និងផ្តាំផ្ញើររបស់ឯកឧត្តម ខៀវ មុត ប្រធានគណៈអធិបតី មានប្រសាសន៍ផ្តាំផ្ញើរ ដើម្បីត្រៀមលក្ខណៈឆ្ពោះ ទៅកាន់ការបោះឆ្នោតជ្រេីសតាំងសមាជិកព្រឹទ្ធសភានីតិកាលទី៥ នាពេលខាងមុខ និងបញ្ហាផ្សេងៗ…។
មុនបញ្ចប់ពិធី ក្រុមសមាជិកព្រឹទ្ធសភាប្រចាំភូមិភាគទី៥ បានឧបត្ថម្ភថវិកាមួយចំនួនជូនដល់ក្រុមប្រឹក្សាឃុំដែលបានចូលរួម។
ប្រភព៖ នាយកដ្ឋានព័ត៌មាន
