khmer eng
  • ឯកឧត្តមបណ្ឌិត ម៉ុង ប្ញទ្ធី អញ្ជើញចូលរួម ពិធីសំណេះសំណាលជាមួយក្រុមប្រឹក្សាឃុំ សង្កាត់ ខេត្តកំពង់ឆ្នាំង
     
    ចែករំលែក ៖

    នាថ្ងៃព្រហស្បតិ៍ ទី១៨ ខែមករា ឆ្នាំ២០២៤ វេលាម៉ោង១៤:០០នាទីរសៀល ឯកឧត្តមបណ្ឌិត ម៉ុង ប្ញទ្ធី ប្រធានគណៈកម្មការទី៣នៃព្រឹទ្ធសភា និងជាប្រធានប្រតិភូសមាជិកព្រឹទ្ធសភា នៃភូមិភាគទី៧ បានអញ្ជើញចូលរួមជាគណៈអធិបតី ក្នុងពិធីសំណេះសំណាលជាមួយក្រុមប្រឹក្សាឃុំ សង្កាត់ ខេត្តកំពង់ឆ្នាំង ក្រោមអធិបតីភាពឯកឧត្តមបណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រី ទទួលបន្ទុកបេសកកម្មពិសេស និងជាប្រធានក្រុមប្រឹក្សាស្តារ អភិវឌ្ឍន៍ វិស័យកសិកម្ម និងជនបទ ដែលមានសមាសភាពចូលរួម៖ ឯកឧត្តម លោកជំទាវ សមាជិក សមាជិកាព្រឹទ្ធសភាភូមិភាគទី៧ ឯកឧត្តម លោកជំទាវ សមាជិករដ្ឋសភាមណ្ឌលខេត្តកំពង់ឆ្នាំង ឯកឧត្តម ប្រធានក្រុមប្រឹក្សាខេត្ត ឯកឧត្តម អភិបាល នៃគណៈអភិបាលខេត្តកំពង់ឆ្នាំង និងក្រុមប្រឹក្សាក្រុង ស្រុក ឃុំ សង្កាត់ ក្នុងខេត្តកំពង់ឆ្នាំង។
    ក្នុងឱកាសដ៏ល្អប្រសើរនេះ តាងនាមឱ្យគណៈប្រតិភូសមាជិកព្រឹទ្ធសភា នៃភូមិភាគទី៧ បានមានមតិសំណេះសំណាលដោយផ្តាំផ្ញើដល់ក្រុមប្រឹក្សាឃុំ សង្កាត់ទាំងអស់ និងតំណាងរាស្ត្រក្នុងតំណែង សូមថែរក្សាសុខភាពឱ្យបានល្អ ប្រុងប្រយ័ត្នឱ្យបានខ្ពស់នូវសុវត្ថិភាពក្នុងការធ្វើដំណើរជិតឆ្ងាយ និងរៀបចំរាល់ឯកសារពាក់ព័ន្ធឱ្យបានគ្រប់គ្រាន់ ដើម្បីត្រៀមចូលរួមបោះឆ្នោតជ្រើសតាំងសមាជិកព្រឹទ្ធសភានីតិកាលទី៥ នៅថ្ងៃទី២៥ ខែកុម្ភៈ ឆ្នាំ២០២៤ ឱ្យបានគ្រប់ៗគ្នា។
    ទន្ទឹមនេះ គណៈប្រតិភូសមាជិកព្រឹទ្ធសភានៃភូមិភាគទី៧ ក៏បានឧបត្ថម្ភថវិកាមួយចំនួនដល់ក្រុមប្រឹក្សាឃុំ សង្កាត់ ក្នុងខេត្តកំពង់ផងដែរ៕

    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    សារលិខិតថ្វាយព្រះពរ របស់ សមាជិក សមាជិកា គណៈកម្មការទី១០ ព្រឹទ្ធសភា សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងឱកាសប្រកបដោយមហាជ័យមង្គល វិបុលសុខ បវរថ្លៃថ្លា មហាប្រសើរនៃព្រះរាជពិធី បុណ្យចម្រើនព្រះជន្ម របស់ សម្តេចព្រះមហាក្សត្រី គម្រប់៨៨ព្រះវស្សា យាងចូល៨៩ព្រះវស្សា
    thumbnail
     
    សារលិខិតថ្វាយព្រះពរ របស់ សមាជិក គណៈកម្មការទី១ ព្រឹទ្ធសភា សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងឱកាសប្រកបដោយមហាជ័យមង្គល វិបុលសុខ បវរថ្លៃថ្លា មហាប្រសើរនៃព្រះរាជពិធី បុណ្យចម្រើនព្រះជន្ម របស់ សម្តេចព្រះមហាក្សត្រី គម្រប់៨៨ព្រះវស្សា យាងចូល៨៩ព្រះវស្សា
    thumbnail
     
    សម្ដេចតេជោ ហ៊ុន សែន អនុញ្ញាតឱ្យឯកអគ្គរាជទូតម៉ាឡេស៊ីប្រចាំកម្ពុជា ចូលជួបសម្តែងការគួរសម
    thumbnail
     
    សារលិខិតថ្វាយព្រះពរ របស់ សមាជិក គណៈកម្មការទី៤ ព្រឹទ្ធសភា សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងឱកាសប្រកបដោយមហាជ័យមង្គល វិបុលសុខ បវរថ្លៃថ្លា មហាប្រសើរនៃព្រះរាជពិធី បុណ្យចម្រើនព្រះជន្ម របស់ សម្តេចព្រះមហាក្សត្រី គម្រប់៨៨ព្រះវស្សា យាងចូល៨៩ព្រះវស្សា
    thumbnail
     
    ឯកឧត្តម អ៊ុំ សារឹទ្ធ អញ្ជើញជាកិត្តិយសក្នុងពិធីបើកការដ្ឋានសាងសង់ស្ពានអាកាសភ្លោះ នៅខេត្តកណ្តាល