លោកជំទាវ ឃួន ឃុនឌី បានអញ្ជើញទៅសួរសុខទុក្ខលោក ព្រំ ទីគូ សមាជិកក្រុមប្រឹក្សាឃុំម្សាក្រង ស្រុកស្ទោង ខេត្តកំពង់ធំ ដែលមានជំងឺកំពុងសម្រាកព្យាបាលនៅមន្ទីរពេទ្យបង្អែកស្រុកស្ទោង
នារសៀលថ្ងៃទី១១ ខែកុម្ភៈ ឆ្នាំ២០២៤ លោកជំទាវ ឃួន ឃុនឌី សមាជិកាគណៈកម្មការទី៥ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគទី៨ បានអញ្ជើញទៅសួរសុខទុក្ខលោក ព្រំ ទីគូ សមាជិកក្រុមប្រឹក្សាឃុំម្សាក្រង ស្រុកស្ទោង ខេត្តកំពង់ធំ ដែលមានជំងឺកំពុងសម្រាកព្យាបាលនៅមន្ទីរពេទ្យបង្អែកស្រុកស្ទោង។ សូមបញ្ជាក់ថា ដោយបានការយកចិត្តទុកដាក់ខ្ពស់ពីក្រុមគ្រូពេទ្យធ្វើឱ្យស្ថានភាពរបស់លោក ព្រំ ទីគូ បានធូរស្រាលច្រើន។ នៅក្នុងឱកាសសួរសុខទុក្ខនោះ លោកជំទាវបានឧបត្ថម្ភទឹកត្រចៀកកាំចំនួន១កន្ត្រក និងថវិកាចំនួន៥០០,០០០រៀល ស្ថិតនៅមន្ទីរពេទ្យបង្អែកស្រុកស្ទោង ខេត្តកំពង់ធំ។
