នាព្រឹកថ្ងៃទី៣ ខែមីនា ឆ្នាំ២០២៤ លោកជំទាវ ឃួន ឃុនឌី សមាជិកាគណៈកម្មការទី៥ ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគទី៨ បានអញ្ជើញជាអធិបតីភាពក្នុងពិធីខួបលើកទី១១៣ ទិវាអន្តរជាតិនារី៨មីនា ឆ្នាំ២០២៤ ក្រោមប្រធានបទ ” ស្ត្រី និងក្មេងស្រីក្នុងបរិវត្តកម្មឌីជីថល” ដែលមានសមាសភាពចូលរួមសរុបចំនួន១០៦នាក់ ស្រី៨៥នាក់។ ក្នុងឱកាសនោះលោកជំទាវបានមានប្រសាសន៍សំណេះសំណាល និងផ្តាំផ្ញើរដល់សមាជិកចូលរួមទាំងអស់ ជាពិសេសផ្តោតទៅលើប្រធានបទ “ស្ត្រី និងក្មេងស្រីក្នុងបរិវត្តកម្មឌីជីថល” ដើម្បីឱ្យប្អូនៗក្មួយៗជាស្ត្រីទាំងអស់បង្កើនចំណេះជំនាញរបស់ខ្លួនស្របទៅតាមប្រទេសជាតិ ដែលកំពុងមានសុខសន្តិភាព និងការអភិវឌ្ឍន៍ ជាពិសេសការរីកចម្រើនលើផ្នែកបច្ចេកវិទ្យាដ៏ទំនើបនាសម័យឌីជីថល។ ជាទីបញ្ចប់ លោកជំទាវបានជូនពរដល់សមាជិកចូលរួមទាំងអស់ សូមជួបតែពុទ្ធពរទាំង៤ប្រកា និងបានជូនវត្ថុអនុស្សាវរីយ៍ដល់ស្ត្រីទាំងអស់ដែលបានចូលរួម និងពិសារអាហារសាមគ្គីដោយមានភាពស្និទ្ធស្នាល សប្បាយរីករាយក្រៃលែង ស្ថិតនៅសាលប្រជុំសាលាស្រុកកំពង់ស្វាយ ខេត្តកំពង់ធំ។
