ក្នុងឱកាសអបអរសាទរខួងលើកទី១១៣ ទិវាអន្តរជាតិនារី ០៨មីនា នាព្រឹកថ្ងៃទី០៧ ខែមីនា ឆ្នាំ២០២៤ ក្រុមសមាជិកាព្រឹទ្ធសភា ដឹកនាំដោយលោកជំទាវ មាន សំអាន ប្រធានក្រុមសមាជិកាព្រឹទ្ធសភា និងជាប្រធានគណៈកម្មការទី៨ព្រឹទ្ធសភា បានអញ្ជើញជួបសំណេះសំណាល សួរសុខទុក្ខ និងនាំយកអំណោយចែកជូនប្រជាពលរដ្ឋក្រីក្រចំនួន៦០គ្រួសារ នៅវត្តទួលស្រឹង ភូមិទួលស្រឹង ឃុំព្នៅទី១ ស្រុកស៊ីធរកណ្តាល ខេត្តព្រៃវែង ។
ក្នុងឱកាសនោះ លោកជំទាវ មាន សំអាន បានពាំនាំនូវការផ្តាំផ្ញើនូវការសួរសុខទុក្ខពីសំណាក់ថ្នាក់ដឹកនាំព្រឹទ្ធសភា ដែលតែងតែយកចិត្តទុកដាក់គិតគូអំពីសុខទុក្ខ និងការលំបាករបស់ប្រជាពលរដ្ឋនៅទូទាំងប្រទេស ជាពិសេសបងប្អូនប្រជាពរលរដ្ឋនៅក្នុងស្រុកស៊ីធរកណ្តាលនេះ។
អំណោយដែលចែកជូនប្រជាពលរដ្ឋក្រីក្រចំនួន៦០គ្រួសារ ដោយក្នុងមួយគ្រួសារៗទទួលបានអង្ករ៥០គីឡូក្រាម ឆៃប៉ូវ១គីឡូកា្រម សៀង០២គីឡូក្រាម កន្សែពោះគោ០១ នំប័ងទំពាំបាយជូជ្រុង០១ដើម កន្ត្រកជ័រ០១ និងថវិកាចំនួន៨ម៉ឺនរៀល ។
បន្ទាប់មកនៅថ្ងៃដដែលនោះ ក្រុមសមាជិកាព្រឹទ្ធសភា បានអញ្ជើញទៅទស្សនកិច្ចសិប្បកម្មតម្បាញហូល និងក្រមា ដែលស្ថិតនៅភូមិព្រែកចង្គ្រាន ឃុព្រែកចង្គ្រាន ស្រុកស៊ីធរកណ្តាល ខេត្តព្រៃវែងផងដែរ។
ប្រភព៖ នាយកដ្ឋានព័ត៌មាន
