នៅព្រឹកថ្ងៃទី២១ ខែមីនា ឆ្នាំ២០២៤ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមកិច្ចប្រជុំការងារស្រុកព្រះនេត្រព្រះ ខេត្តបន្ទាយមានជ័យ ក្រោមអធិបតីភាពដ៏ខ្ពង់ខ្ពស់ ឯកឧត្តម ឌិត ទីណា រដ្ឋមន្រ្តីក្រសួងកសិកម្មរុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្ត។ អមដំណើរមាន ឯកឧត្តម លោកជំទាវ ក្រុមការងារថ្នាក់ជាតិចុះជួយមូលដ្ឋានខេត្ត ឯកឧត្តម អ៊ុ រាត្រី គណៈអភិបាលខេត្ត ឯកឧត្តម ប្លែក វារី ប្រធានក្រុមប្រឹក្សាខេត្ត ឯកឧត្តម លោកជំទាវ លោក លោកស្រី ក្រុមការងារខេត្តចុះជួយស្រុក។ សមាជិក សមាជិកា ចូលរួមក្រុមប្រឹក្សាស្រុក ក្រុមប្រឹក្សាឃុំទាំង៩ ក្នុងស្រុក មេភូមិ អនុភូមិ សមាជិកភូមិ និងមេបញ្ជាការ មេបញ្ជាការរង អង្គភាពទាំងអស់ក្នុងស្រុក ចំនួន៣៣៧នាក់ ស្រី ៥១នាក់។
