រសៀលថ្ងៃអង្គារ ទី២៥ ខែមីនា ឆ្នាំ២០២៤ វេលាម៉ោង២:៣០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមប្រជុំប្រចាំខែមីនា ឆ្នាំ២០២៤ ជាមួយលោក លោកស្រីមេភូមិទាំង១៣ និងក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។ ក្រោយពីបានស្តាប់របាយការណ៍រួចមក អង្គប្រជុំបានឯកភាពកំណត់ទិសដៅការងារជាអាទិភាពសម្រាប់ ខែមេសា ឆ្នាំ២០២៤ រួមមាន ៖ ១-គណៈបញ្ជាការឯកភាពសង្កាត់ ត្រូវរៀបចំពង្រាយកម្លាំងល្បាតត្រួតពិនិត្យរដ្ឋបាលការពារសន្តិសុខសណ្តាប់ធ្នាប់សាធារណៈ ចាប់ពីពេលនេះតទៅ ធានាជូនបងប្អូនប្រជាពលរដ្ឋនៅមូលដ្ឋានឱ្យបានចូលរួមកំសាន្តសប្បាយក្នុងឱកាសបុណ្យចូលឆ្នាំថ្មីប្រពៃណីជាតិ ស្របតាមសេចក្តីជូនដំណឹងរបស់សាលារាជធានីភ្នំពេញ។ ២-គ្រប់ផ្នែក គ្រប់ជំនាញត្រូវបន្តប្រតិបត្តការងារតាមគោលដៅនីមួយៗ ដែលសមូហភាពក្នុងអង្គប្រជុំបានឯកភាព
ជាគោលការរួច។ សូមកោតសរសើរដោយសេចក្តីគោរព ស្រឡាញ់ពេញចិត្ត ហើយក៏បានជួយឧបត្ថម្ភថវិកាជូនសមាគមថែទាំសុខភាពមនុស្សចាស់សម្រាប់ ខែមេសា ឆ្នាំ២០២៤ ក្នុងបរិយាកាសជាគ្រួសារស្និទ្ធស្នាលសប្បាយរីករាយក្រៃលែង។
