ស្ថិតនៅសាលារាជធានីភ្នំពេញ នាថ្ងៃព្រហស្បត៍ ទី១១ ខែមេសា ឆ្នាំ២០២៤ វេលាម៉ោង៨:៣០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងលោកជំទាវ ម៉ុ សណ្តាប់ សមាជិកគណៈកម្មការទី៦ ព្រឹទ្ធសភា បានអញ្ជើញចូលរួមជាមួយក្រុមប្រឹក្សា និងគណអភិបាលរាជធានីភ្នំពេញ ព្រមជាមួយគណៈអភិបាលខណ្ឌទាំង១៤ មន្ទីរជំនាញ ប្រារព្ធពិធីសូត្រមន្តចម្រើនព្រះបរិត្ត និងពិធីរាប់បាត្រប្រគេនចង្ហាន់ព្រះសង្ឃ៧៥អង្គ ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ និងសូមឧទ្ទិសបួងសួងគុណបុណ្យ ព្រះរតនត្រ័យ ទសបារមី វត្ថុស័ក្តិសិទ្ធក្នុងលោក សូមមេត្តាប្រទានពរមហាបវរសួស្តីជូនថ្នាក់ដឹកនាំគ្រប់ថានានុក្រម និងប្រជាជនទូទាំងព្រះរាជាណាចក្រកម្ពុជា សូមករុណាទទួលបាននូវសុខសន្តិភាព ស្ថិរភាពជីវភាពរស់នៅបានកាន់តែ សុខចម្រើនរុងរឿងជានិច្ចតរៀងទៅកុំបីឃ្លៀងឃ្លាតឡើយ។
