នារសៀល ថ្ងៃសុក្រ ៤កើត ខែចេត្រ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១២ ខែមេសា ឆ្នាំ២០២៤ ឯកឧត្តម ងី ចន្ទ្រផល ប្រធានគណៈកម្មការទី១ព្រឹទ្ធសភា ឯកឧត្តម តេង សាវង្ស លេខាធិការគណៈកម្មការទី៤ និងឯកឧត្តម អ៊ុក គង់ សមាជិកគណៈកម្មការទី៦ព្រឹទ្ធសភា បានអញ្ជើញចូលរួមពិធីបើកព្រឹត្តិការណ៍ «សង្ក្រាន្តបាត់ដំបង ២០២៤» ក្រោមអធិបតីដ៏ខ្ពង់ខ្ពស់សម្ដេចក្រឡាហោម ស ខេង ឧត្ដមប្រឹក្សាផ្ទាល់ព្រះមហាក្សត្រ និងជាតំណាងរាស្រ្តមណ្ឌលបាត់ដំបង ។ ឯកឧត្តម ងី ចន្ទ្រផល ប្រធានគណៈកម្មការទី១ ឯកឧត្តម ប៉ុល លឹម អនុប្រធានគណៈកម្មការទី៤ ឯកឧត្តម តេង សាវង្ស លេខាធិការគណៈកម្មការទី៤ និងឯកឧត្តម អ៊ុក គង់ សមាជិកគណៈកម្មការទី៦ បានចូលរួមជាថវិកាចំនួន ២ លានរៀល សម្រាប់រៀបចំព្រឹត្តិការណ៍ «សង្រ្កាន្តបាត់ដំបង ២០២៤» នេះផងដែរ ។
