គណៈកម្មការទី៥ព្រឹទ្ធសភា ប្រជុំពិនិត្យពិភាក្សាលើរបៀបវារៈសំខាន់ៗចំនួន០៥
នាថ្ងៃពុធ ទី១៧ ខែមេសា ឆ្នាំ២០២៤ វេលាម៉ោង០៩:០០នាទីព្រឹក គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃព្រឹទ្ធសភា (គណៈកម្មការទី៥) បានរៀបចំកិច្ចប្រជុំផ្ទៃក្នុងគណៈកម្មការ ក្រោមអធិបតីភាពឯកឧត្តមបណ្ឌិត ចែម វីឌ្យ៉ា ប្រធានគណៈកម្មការទី៥ព្រឹទ្ធសភា ដើម្បីពិនិត្យ និងពិភាក្សាលើរបៀបវារៈចំនួន០៥រួមមាន៖
១.បូកសរុបរបាយការណ៍សកម្មភាពការងារប្រចាំខែមេសា ឆ្នាំ២០២៤។
២.ពិនិត្យ ពិភាក្សា ផែនការប្រតិបត្តិរបស់គណៈកម្មការ ឆ្នាំ២០២៤ (លើកទី១)។
៣.ពិនិត្យ ពិភាក្សា តួនាទី ភារកិច្ច ទទួលខុសត្រូវរបស់គណ:កម្មការ។
៤.ពិនិត្យ ពិភាក្សាការបែងចែក តួនាទី ភារកិច្ច
របស់មន្ត្រីជំនួយការគណៈកម្មការ ។
៥.បញ្ហាផ្សេងៗ (ការចូលរួមមតិយោបល់របស់ ឯកឧត្តមសមាជិកអង្គប្រជុំ)៕
ប្រភព៖ នាយកដ្ឋានព័ត៌មាន
