នាព្រឹកថ្ងៃទី២២ ខែមេសា ឆ្នាំ២០២៤ ឯកឧត្តម អ៊ុក គង់ សមាជិកគណៈកម្មការទី៦ ព្រឹទ្ធសភា និងឯកឧត្តម ណាំ ទុំ ទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានអញ្ជើញចូលរួមគោរពវិញ្ញាណក្ខន្ធសពឯកឧត្តម ឧត្តមសេនីយ៍ទោ ហួម ខ្វែក មេបញ្ជាការតំបន់ប្រតិបត្តិការសឹករងបាត់ដំបង ដែលបានទទួលមរណភាពកាលពីថ្ងៃសុក្រ ១១រោច ខែចេត្រ ឆ្នាំរោង ឆស័ក ព.ស. ២៥៦៧ ត្រូវនឹងថ្ងៃទី១៩ ខែមេសា ឆ្នាំ២០២៤ វេលាម៉ោង ១០:១៥នាទីព្រឹក ដោយរោគាពាធ និងបានប្រារព្ធធ្វើបុណ្យនៅគេហដ្ឋាននៃសព ភូមិវត្តតាមិម ឃុំអូរដំបង១ ក្រុងបាត់ដំបង ខេត្តបាត់ដំបង ។
