នាព្រឹកថ្ងៃពុធ ១រោច ខែចេត្រ ឆ្នាំរោង ឆស័ក ពុទ្ធសករាជ២៥៦៧ ត្រូវនឹងថ្ងៃទី២៤ ខែមេសា ឆ្នាំ២០២៤ វេលាម៉ោង ៨:៣០នាទី នៅសាលប្រជុំគណៈកម្មការសិទ្ធិមនុស្ស ទទួលពាក្យបណ្តឹង និងអង្កេត នៃព្រឹទ្ធសភា បានរៀបចំកិច្ចប្រជុំផ្ទៃក្នុងគណៈកម្មការដើម្បីបូកសរុបលទ្ធផលការងារប្រចាំខែមេសា ក្រោមអធិបតីភាពឯកឧត្តម ងី ច័ន្រ្ទផល ប្រធានគណៈកម្មការ ទៅលើរបៀបវារៈចំនួន៥៖
១-ពិនិត្យ និងសម្រេចលើសេចក្តីព្រាងរបាយការណ៍សកម្មភាពរបស់គណៈកម្មការប្រចាំខែមេសា ឆ្នាំ២០២៤។
២-ពិនិត្យ និងសម្រេចលើតួនាទីភារកិច្ចរបស់គណៈកម្មការដែលបានកែសម្រួលហើយ។
៣-ពិនិត្យ និងសម្រេចលើការបែងចែកភារកិច្ចនិងការទទួលខុសត្រូវរបស់សមាជិកគណៈកម្មការ។
៤-ពិនិត្យពិភាក្សាលើការរៀបចំសេចក្តីព្រាងផែនការសកម្មភាពរបស់គណៈកម្មការប្រចាំឆ្នាំ២០២៤។
៥-បញ្ហាផ្សេងៗ
