khmer eng
  • ឯកឧត្តម ឈើយ ចាន់ណា ជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញជាធិបតីទិវាអ្នកម្តាយអន្តរជាតិ ពិធីនេះមានការអញ្ជើញចូលរួមពីឯកឧត្តម មួង យក់សាន សមាជិកក្រុមប្រឹក្សាខេត្ត និងជាប្រធានសសយកក្រុង
     
    ចែករំលែក ៖

    នាព្រឹកថ្ងៃទី១២ ខែឧសភា ឆ្នាំ២០២៤ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញជាធិបតីទិវាអ្នកម្តាយអន្តរជាតិ ពិធីនេះមានការអញ្ជើញចូលរួមពីឯកឧត្តម មួង យក់សាន សមាជិកក្រុមប្រឹក្សាខេត្ត និងជាប្រធានសសយកក្រុង លោក បៀវ ថាន ប្រធានមន្ទីរធម្មការ និងសាសនាខេត្ត លោក ជាម សុខ ប្រធានក្រុមប្រឹក្សាក្រុង លោក ស្រេង សុផល អភិបាលក្រុង លោក ចៅ ឈិញហ្វុក ប្រធានសមាគមព្រះវិហារតាតឺហ្វរយាន លោកស្រីជំទប់ទី១ លោកមេភូមិ លោកគ្រូ អ្នកគ្រូ ព្រឹទ្ធាចារ្យ មាតាបិតា និង សិស្សានុសិស្ស។ ក្នុងឱកាសនោះ ឯកឧត្តម បានជម្រាបជូនថា ទិវាមាតាអន្តរជាតិ ដែលប្រារព្វពេលនេះ គឺជាការគោរព ដឹងគុណ និងផ្តល់នូវកិត្តិយសដល់មាតាគ្រប់រួប ចំពោះការចូលរួមដោយមិនចេះនឿយហត់ដល់គ្រួសារ និងការលះបង់ជាច្រើន ដើម្បីសុខុមាលភាពអ្នករាល់គ្នា និងសង្គមផងដែរ។ តួរនាទី និងវីរភាពរបស់មាតានៅក្នុងជីវិតរបស់យើងគឺ ជាព្រឹត្តការ នៃការចិញ្ចឹមបីបាច់ដែលមិនអាចជំនួសបានពីការមើលថែរក្សាកូនៗ តាំងពីចាប់កំណើត រហូតដល់ពេលធំពេញវ័យ ផ្តល់នូវការអប់រំដ៏ប្រសើរ និងរៀបចំទុកដាក់សម្រាប់គ្រួសារផងដែរ។ សូមបញ្ជាក់ជូនថា ទិវាមាតាអន្តរជាតិ ត្រូវបានគេប្រារព្ធធ្វើជាលើកដំបូងនៅសហរដ្ឋអាមេរិកដោយ Anna Jarvis ដែលជាអ្នកផ្តួចផ្តើមវាបន្ទាប់ពីម្តាយរបស់នាងបានស្លាប់នៅដើមសតវត្សរ៍ទី២០ នៅឯវិហារ Andrews Methodist Episcopal ក្រុង Grafton រដ្ឋ West Virginia។ ក្រោយពីចប់កម្មវិធី មានការទទួលទានអាហារបួសសាមគ្គីផងដែរ។ កម្មវិធីនេះប្រារព្វធ្វើនៅព្រះវិហារតាតឺហ្វរយាន ស្ថិតនៅភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្ដម នាង ផាត ប្រធានគណៈកម្មការទី៤ បានអញ្ជើញដឹកនាំកិច្ចប្រជុំជាមួយមន្រ្ដីការិយាល័យជំនួយការគណៈកម្មការទី៤ ដើម្បីត្រួតពិនិត្យលើការងារសម្រេចបាននាពេលកន្លងមក និង ណែនាំមន្រ្ដីជំនួយការក្នុងការបំពេញការងារចាំបាច់មួយចំនួនបន្ថែមទៀត
    thumbnail
     
    សម្តេចតេជោ ហ៊ុន សែន អនុញ្ញាតឱ្យអនុប្រធានគណៈកម្មាធិការអចិន្ត្រៃយ៍នៃសភាប្រជាជនចិនទូទាំងប្រទេស ចូលជួបសម្តែងការគួរសម និងពិភាក្សាការងារ
    thumbnail
     
    ឯកឧត្តមបណ្ឌិត ម៉ុង ឫទ្ធី ដឹកនាំកិច្ចប្រជុំក្រុមសមាជិក ព្រឹទ្ធសភាប្រចាំភូមិភាគទី៧
    thumbnail
     
    សមាជិកក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចូលរួមពិធីបុណ្យបញ្ចុះខណ្ឌកាត់ឬសសីមា “ចំថ្ងៃបុណ្យវិសាខបូជា”
    thumbnail
     
    ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្អសភា និងលោកជំទាវ បានអញ្ជើញចូលរួម ធ្វើបទនមស្សការ សមាទានសិលនិងប្រគេនបច្ច័យរាប់បាត្រប្រគេនព្រះសង្ឃ៣៥១អង្គ និងកសាងសមិទ្ធផលថ្មីបន្ថែមទៀត នៅក្នុងពិធីបុណ្យវិសាខបូជា