ឯកឧត្តម ឡាយ សំកុល ទទួលជួបពិភាក្សាការងារជាមួយថ្នាក់ដឹកនាំសម្ព័ន្ធភាពជាតិក្រុមប្រឹក្សាថ្នាក់មូលដ្ឋាន និងសមាគមក្រុមប្រឹក្សាក្រុង ស្រុក ខណ្ឌ ឃុំ សង្កាត់តាមរាជធានី ខេត្តទាំង២៥
ឯកឧត្តម ឡាយ សំកុល អគ្គលេខាធិការព្រឹទ្ធសភា បានទទួលជួបពិភាក្សាការងារជាមួយនឹងថ្នាក់ដឹកនាំសម្ព័ន្ធភាពជាតិក្រុមប្រឹក្សាថ្នាក់មូលដ្ឋាន និងសមាគមក្រុមប្រឹក្សាក្រុង ស្រុក ខណ្ឌ ឃុំ សង្កាត់ តាមរាជធានី ខេត្តទាំង២៥ ស្តីពី៖
១.ការត្រៀមលក្ខណៈជួបប្រជុំរវាងថ្នាក់ដឹកនាំសម្ព័ន្ធភាពជាតិក្រុមប្រឹក្សាថ្នាក់មូលដ្ឋាន និងសមាគម ក្រុម ប្រឹក្សាក្រុង ស្រុក ខណ្ឌ ឃុំ សង្កាត់ តាមរាជធានី ខេត្តទាំង២៥ ជាមួយនឹងឯកឧត្តមអនុប្រធានទី២ព្រឹទ្ធសភា។
២.ស្នើសុំបន្តការគាំទ្រពីព្រឹទ្ធសភាផ្តល់ទីស្នាការរបស់សមាគមនៅក្នុងបរិវេណព្រឹទ្ធសភាបន្ត។
៣.ស្នើសុំបន្តកិច្ចសហការក្នុងការជួយរៀបចំវេទិកា និងកម្មវិធីផ្សេងៗ នៅតាមភូមិភាគ។
ជំនួបខាងលើនេះ ប្រព្រឹត្តទៅនៅបន្ទប់ទទួលភ្ញៀវរបស់ឯកឧត្តមអគ្គលេខាធិការព្រឹទ្ធសភា នារសៀលថ្ងៃចន្ទ ៦កើត ខែពិសាខ ឆ្នាំរោង ឆស័ក ពុទ្ធសករាជ២៥៦៧ ត្រូវនឹង ថ្ងៃទី១៣ ខែឧសភា ឆ្នាំ២០២៤៕
ប្រភព៖ នាយកដ្ឋានព័ត៌មាន
