khmer eng
  • ឯកឧត្តម អ៊ុច បូររិទ្ធ អញ្ជើញជាអធិបតីភាពបើកសិក្ខាសាលាស្តីពី ការផ្តល់ព័ត៌មានបឋមអំពីព្រឹទ្ធសភា ជូនសមាជិកព្រឹទ្ធសភានីតិកាលទី៥
     
    ចែករំលែក ៖

     

    ឯកឧត្តម អ៊ុច បូររិទ្ធ អនុប្រធានទី២ព្រឹទ្ធសភា បានអញ្ជើញជាអធិបតីភាពក្នុងពិធីបើកសិក្ខាសាលាស្តីពី ការផ្តល់ព័ត៌មានបឋម អំពីតួនាទី ភារកិច្ច សមត្ថកិច្ច និងយន្តការទាំងឡាយរបស់ព្រឹទ្ធសភា ជូនសមាជិក សមាជិកាព្រឹទ្ធសភា នីតិកាលទី៥ នៅសាលសិក្ខាសាលាបណ្ណាល័យព្រឹទ្ធសភា នាព្រឹកថ្ងៃពុធ ទី២៩ ខែឧសភា ឆ្នាំ២០២៤។
    អង្គសិក្ខាសាលាប្រព្រឹត្តទៅរយៈពេល០២ព្រឹក ចាប់ពីថ្ងៃទី២៩-៣០ ខែឧសភា ឆ្នាំ២០២៤ ក្នុងគោលបំណងដើម្បីជាជំនួួយស្មារតីបន្ថែមជូនសមាជិក សមាជិកាព្រឹទ្ធសភា ក្នុងការបំពេញការងារប្រចាំថ្ងៃ ដែលនឹងរួមចំណែកដល់ការលើកកម្ពស់គុណភាព ប្រសិទ្ធភាព និងប្រសិទ្ធផលការងារ។
    សិក្ខាសាលាផ្តល់ព័ត៌មានបឋមនេះ ផ្តោតសំខាន់លើប្រធានបទស្តីពី៖
    -បទបញ្ជាផ្ទៃក្នុងព្រឹទ្ធសភា
    -មុខាងារទាំងបីរបស់ព្រឹទ្ធសភា
    -តួនាទីភារកិច្ច និងសមត្ថកិច្ចរបស់គណៈកម្មការជំនាញទាំង១០ នៃព្រឹទ្ធសភា
    -តួនាទី ភារកិច្ច និងសមត្ថកិច្ចក្រុមនានារបស់ព្រឹទ្ធសភា៖ ក្រុមសមាជិកាព្រឹទ្ធសភា ក្រុមសមាជិកព្រឹទ្ធសភាប្រចាំមណ្ឌលភូមិភាគ ក្រុមសមាជិកព្រឹទ្ធសភា(ក្រុមនយោបាយ ក្រុមពិភាក្សា) ក្រុមសមាជិកព្រឹទ្ធសភាទទួលបន្ទុកសហប្រតិបត្តិការជាមួយបណ្តាស្ថាប័នអន្តរសភា(ក្រុមពហុភាគី) ក្រុមមិត្តភាពព្រឹទ្ធសភានៃព្រះរាជាណាចក្រកម្ពុជាជាមួយសភាបណ្តាប្រទេស(ក្រុមទ្វេភាគី)
    -លក្ខន្តិកៈសមាជិកព្រឹទ្ធសភា និងអភ័យឯកសិទ្ធិ និងផលប្រយោជន៍របស់សមាជិកព្រឹទ្ធសភា និងក្រមសីលធម៌របស់សមាជិកព្រឹទ្ធសភា
    -តួនាទី ភារកិច្ច សមត្ថកិច្ច និងចក្ខុវិស័យរបស់អគ្គលេខាធិការដ្ឋានព្រឹទ្ធសភា៕

    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    សមាជិកព្រឹទ្ធសភា បានអញ្ជើញចូលរួមដាក់កម្រងផ្កាគោរពវិញ្ញណក្ខន្ធ ចំពោះវីរយុទ្ធជន វីរយុទ្ធនារី និងប្រជាជនកម្ពុជា ពលីក្នុងរបបប្រល័យពូជសាសន៍ ប៉ុល ពត
    thumbnail
     
    ឯកឧត្តមបណ្ឌិត ចែម វីឌ្យ៉ា ដឹកនាំកិច្ចប្រជុំផ្ទៃក្នុងគណៈកម្មការទី៥ព្រឹទ្ធសភា
    thumbnail
     
    ឯកឧត្តម គឹម ធា ជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញចូលរួមក្នុងពិធីបុណ្យសពលោកជំទាវ សោម វណ្ណា ដែលត្រូវជាភរិយាឯកឧត្តម ភិន ឆាំ សមាជិកក្រុមប្រឹក្សាខេត្តស្វាយរៀង ដែលបានទទួលមរណភាព
    thumbnail
     
    ឯកឧត្តម ឈើយ ចាន់ណា លេខាធិការក្រុមសមាជិកព្រឹទ្ធសភា ប្រចាំភូមិភាគទី៤ មានរៀបចំពិធី ប្រកាសចូលកាន់តំណែងក្រុមប្រឹក្សាស្រុកស្វាយចេក អណត្តិទី៤
    thumbnail
     
    លោកជំទាវ មាន សំអាន ប្រធានក្រុមសមាជិកាព្រឹទ្ធសភា បានអញ្ជើញជាអធិបតីភាព ដឹកនាំកិច្ចប្រជុំពិភាក្សាការងារ នៅសាលប្រជុំគណៈកម្មការទី៨ព្រឹទ្ធសភា ដើម្បីពិនិត្យខ្លឹមសារត្រៀមចុះធ្វើពិធីសំណេះសំណាលជាមួយសមាជិកក្រុមប្រឹក្សាឃុំ សង្កាត់