ឯកឧត្តម ទេព យុទ្ធី ជាសមាជិកក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចុះពិនិត្យការជីកស្ដារស្រះទឹកមួយកន្លែង ស្ថិតនៅក្នុងភូមិទួលសាងាំ ឃុំអង្កោល ស្រុកដំណាក់ចង្អើរ ខេត្តកែប
នាព្រឹក ថ្ងៃទី០២ ខែមិថុនា ឆ្នាំ២០២៤ ឯកឧត្តម ទេព យុទ្ធី លេខាធិការគណៈកម្មការទី៨ និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចុះពិនិត្យការជីកស្ដារស្រះទឹកមួយកន្លែង ស្ថិតនៅក្នុងភូមិទួលសាងាំ ឃុំអង្កោល ស្រុកដំណាក់ចង្អើរ ខេត្តកែប ដែលជាអំណោយរបស់ក្រុមសមាជិកព្រឹទ្ធសភាប្រចាំភូមិភាគទី៥ ជីកជូនប្រជាជនកាលពីឆ្នាំ២០១៩ (មានទំហំ ៣០×២៥×៥,៥០ម៉ែត្រ) ហើយបច្ចុប្បន្នស្រះទឹកនេះគឺទើបនឹងជីកស្ដាររួចរាល់ថ្មីៗ និងបានណែនាំឱ្យធ្វើការជួសជុលជណ្ដើរ និង ស្លាកឈ្មោះស្រះទឹក ដែលក្រោយពីជីកស្ដារថ្មី គឺមានទំហំ ៣៥×៣០×៧ម៉ែត្រ ។
បន្ទាប់មក ឯកឧត្តម ក៏បន្តអញ្ជើញទៅពិនិត្យការជីកស្ដារស្រះទឹកមួយកន្លែងទៀត ស្ថិតនៅក្នុងភូមិទួលសាងាំដដែល ជាអំណោយរបស់ក្រុមសមាជិកព្រឹទ្ធសភាប្រចាំភូមិភាគទី៥ ជីកជូនប្រជាជនកាលពីឆ្នាំ២០១៩ (មានទំហំ ៣០×២៥×៦ម៉ែត្រ) ដែលគ្រោងនឹងជីកស្ដារជាថ្មី ទំហំ ៣០×៣០×៩ម៉ែត្រ ។
ខ្លឹមសារ : ការិយាល័យអមក្រុមភូមិភាគទី៥
