គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃព្រឹទ្ធសភា (គណៈកម្មការទី៥) ដឹកនាំដោយឯកឧត្តមបណ្ឌិត ចែម វីឌ្យ៉ា ប្រធានគណៈកម្មការ បានអញ្ជើញដឹកនាំកិច្ចប្រជុំផ្ទៃក្នុងគណៈកម្មការ ដើម្បីពិភាក្សាលើខ្លឹមសារសំខាន់ៗរួមមាន៖ ១.ពិនិត្យខ្លឹមសារកម្មវិធី គោលបំណង និងកាលបរិច្ឆេទ ត្រៀមចុះបេសកកម្មទៅខេត្តបាត់ដំបង (ពិនិត្យច្រកទ្វារព្រំដែនអន្តរជាតិដូង ស្រុកកំរៀង និងច្រកអន្តរជាតិគីឡូ១៣ ស្រុកសំពៅលូន)។ ២.បញ្ហាផ្សេងៗ ( ការចូលរួមមតិយោបល់ )។ កិច្ចប្រជុំនេះ ប្រព្រឹត្តទៅនៅសាលប្រជុំគណៈកម្មការទី៥ព្រឹទ្ធសភា នាវេលាម៉ោង ០៩:០០នាទីព្រឹក ថ្ងៃសុក្រ ៨កើត ខែជេស្ឋ ឆ្នាំរោង ឆស័ក ពុទ្ធសករាជ២៥៦៨ ត្រូវនឹងថ្ងៃទី១៤ ខែមិថុនា ឆ្នាំ២០២៤៕
ប្រភព៖ នាយកដ្ឋានព័ត៌មាន
