នាព្រឹកថ្ងៃទី២១ ខែមិថុនា ឆ្នាំ២០២៤ ឯកឧត្តម ប្រាក់ ចំរើន អនុប្រធានក្រុមសមាជិកព្រឹទ្ធសភាប្រចាំភូមិភាគទី៣ (ខេត្តកណ្តាល) និងជាអនុប្រធានគណៈកម្មការទី៨ ព្រឹទ្ធសភា បានអញ្ជើញជួបសំណេះសំណាល សួរសុខទុក្ខក្រុមប្រឹក្សាឃុំ និងប្រជាពលរដ្ឋ និងបន្តចុះពិនិត្យការប្រើប្រាស់ស្រះទឹករបស់ប្រជាពលរដ្ឋ ដែលជាសមិទ្ធផលរបស់ក្រុមភូមិភាគទី៣ នាពេលកន្លងមក ស្ថិតនៅឃុំជ្រៃលាស់ ស្រុកពញាឮ ខេត្តកណ្តាល។
ក្នុងឱកាសនោះ ឯកឧត្តម អនុប្រធានក្រុមភូមិភាគទី៣ បានឧបត្ថម្ភជាថវិកាចំនួន ៦០០,០០០រៀល ជូនដល់ក្រុមប្រឹក្សាឃុំជ្រៃលាស់។
ប្រភព៖ ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៣
