នាថ្ងៃអាទិត្យ ទី២៣ ខែមិថុនា ឆ្នាំ២០២៤ ឯកឧត្តម អ៊ុក គង់ សមាជិកក្រុមសមាជិកព្រឹទ្ធសភាប្រចាំភូមិភាគទី៤ និងជាសមាជិកគណៈកម្មការទី៦ បានជួបសំណេះសំណាលជាមួយសមាជិកក្រុមប្រឹក្សាឃុំ ក្នុងស្រុកសំឡូត ខេត្តបាត់ដំបង ក្នុងនោះក៏មានការចូលរួមពីលោកលោក កុល បុត្រ ប្រធានក្រុមប្រឹក្សាស្រុកសំឡូត និងលោកសើរ សាម៉េត អភិបាលស្រុកសំឡូត ផងដែរ ។ ក្នុងពិធីសំណេះសំណាលនោះដែរ ឯកឧត្តម បានអំពាវនាវអង្គប្រជុំយកចិត្តទុកដាក់ពង្រឹងធ្លុងមហាសាមគ្គីភាពអនុវត្តព្រមៗ គ្នានូវយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា ដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ។ ចុងបញ្ចប់ឯកឧត្តម ក៏បានប្រគល់វត្ថុកំដរដៃជូនដល់សមាជិកក្រុមប្រឹក្សាឃុំផងដែរ ។
