ឯកឧត្តម អ៊ុច បូររិទ្ធ អនុប្រធានទី២ព្រឹទ្ធសភានៃព្រះរាជាណាចក្រកម្ពុជា បានអញ្ជើញជាអធិបតីភាពដឹកនាំកិច្ចប្រជុំ ដើម្បីសម្រួលដល់ដំណើរការត្រៀមរៀបចំសម័យប្រជុំពេញអង្គលើកទី១១ នៃIPTP ដែលកម្ពុជានឹងធ្វើជាម្ចាស់ផ្ទះ នៅថ្ងៃទី២៣-២៦ ខែវិច្ឆិកា ឆ្នាំ២០២៤ ខាងមុខនេះឱ្យប្រព្រឹត្តទៅដោយជោគ ជ័យ ដោយមានការចូលរួមពីសមាជិក សមាជិកាព្រឹទ្ធសភា-រដ្ឋសភា ជាប្រធាន អនុគណៈកម្មការប្រតិបត្តិនានា ដោយមានរបៀបវារៈនៃកិច្ចប្រជុំរួមមាន៖
១-វឌ្ឍនភាពស្តីពីការត្រៀមរៀបចំសម័យប្រជុំពេញអង្គលើកទី១១ នៃសភាអន្តរជាតិដើម្បី ភាពអត់ឱននិងសន្តិភាព (IPTP)
២- សេចក្តីព្រាងកម្មវិធីសម័យប្រជុំពេញអង្គលើកទី១១ នៃ IPTP
៣- សេចក្តីព្រាងខ្លឹមសារ និងឯកសារសមិទ្ធផល នៃសម័យប្រជុំពេញអង្គ និងកិច្ចប្រជុំពាក់ព័ន្ធ
៤- បញ្ហាផ្សេងៗ…
កិច្ចប្រជុំខាងលើនេះ បានប្រព្រឹត្តទៅនារសៀលថ្ងៃចន្ទ ទី០១ ខែកក្កដា ឆ្នាំ២០២៤ នៅសាលប្រជុំពិសេស៣ វិមានព្រឹទ្ធសភា៕
ប្រភព៖ នាយកដ្ឋានព័ត៌មាន
