គណៈកម្មការអប់រំ យុវជន កីឡា ធម្មការ សាសនា វប្បធម៌ វិចិត្រសិល្បៈ និងទេសចរណ៍ នៃព្រឹទ្ធសភា (គណៈកម្មការទី៧) ដឹកនាំដោយ ឯកឧត្តម ឈិត សុខុន ប្រធានគណៈកម្មការ បានអញ្ជើញជួបពិភាក្សាការងារជាមួយអាជ្ញាធរខេត្តស្វាយរៀង ដឹកនាំដោយឯកឧត្តម ប៉េង ពោធិ៍សា អភិបាល នៃគណៈអភិបាលខេត្ត និងមន្ទីរជំនាញពាក់ព័ន្ធវិស័យជាសមត្ថកិច្ច ដើម្បីឈ្វេងយល់អំពីស្ថានភាពទូទៅ វឌ្ឍនភាពការងារ បញ្ហាប្រឈម ទិសដៅការងារបន្តរបស់រដ្ឋបាលខេត្ត និងវិស័យពាក់ព័ន្ធជាសមត្ថកិច្ចរបស់គណៈកម្មការ នៅសាលាខេត្តស្វាយរៀង នារសៀលថ្ងៃព្រហស្បតិ៍ ទី២៥ ខែកក្កដា ឆ្នាំ២០២៤។
ជំនួបពិភាក្សានេះ មានការទទួលស្វាគមន៍យ៉ាងកក់ក្តៅពីឯកឧត្តមអភិបាលខេត្ត និងបានធ្វើសេចក្តីរាយការណ៍ដោយសង្ខេបជូនគណៈប្រតិភូរួចមក ឯកឧត្តម ឈិត សុខុន បានថ្លែងនូវកោតសរសើរ និងវាយតម្លៃខ្ពស់ចំពោះការខិតខំបំពេញនូវតួនាទី ភារកិច្ច បានល្អប្រសើរធ្វើឱ្យខេត្តមួយនេះ មានការអភិវឌ្ឍគួរឱ្យគត់សម្គាល់ និងសូមរួមគ្នាកសាងសមិទ្ធផលថ្មីៗបន្ថែមទៀត ពិសេសការលើកកម្ពស់ជីវភាពប្រជាពលរដ្ឋ បន្តថែរក្សាសន្តិភាព ស្ថិរភាពនយោបាយ សន្តិសុខ សណ្ដាប់ធ្នាប់សាធារណៈ។ អរគុណចំពោះអាជ្ញធរ និងប្រជាពលរដ្ឋ ដែលបានគាំទ្រ គម្រោងសាងសង់ព្រែកជីកហ្វូណនតេជោ ដើម្បីជាប្រយោជន៍រួមសម្រាប់ខ្មែរយើងទាំងមូល…។
ប្រភព៖ នាយកដ្ឋានព័ត៌មាន
