នារសៀលថ្ងៃសុក្រ ទី២ ខែសីហា ឆ្នាំ២០២៤ នៅសាលប្រជុំពិសេស៣ វិមានព្រឹទ្ធសភា ឯកឧត្តម ឡាយ សំកុល អគ្គលេខាធិការព្រឹទ្ធសភា បានអញ្ជើញជួបសំណេះសំណាល និងផ្តល់អនុសាសន៍ដល់មន្ត្រីរាជការ នៃអគ្គលេខាធិការដ្ឋានព្រឹទ្ធសភា (អ.ពស) ចំនួន១២រូប ដែលនឹងត្រូវទៅចូលរួមវគ្គបណ្តុះបណ្តាលនៅប្រទេសចិន។
សូមជម្រាបថា មន្រ្តីរាជការដែលត្រូវចូលរួមវគ្គបណ្តុះបណ្តាលនៅប្រទេសចិននេះ មានចំនួន ២ក្រុម គឺក្រុមទី១មានមន្ត្រីរាជការចំនួន៨រូប ចូលរួមវគ្គបណ្តុះបណ្តាលស្តីពីការរៀបចំផែនការICT និងការកសាងសមត្ថភាពសម្រាប់ប្រទេសកំពុងអភិវឌ្ឍន៍ ពីថ្ងៃទី៧-២០ ខែសីហា ឆ្នាំ២០២៤ និងក្រុមទី២ មានមន្រ្តីរាជការចំនួន៤រូប ចូលរួមវគ្គបណ្តុះបណ្តាលស្តីពី សេដ្ឋកិច្ចបើកចំហសម្រាប់ប្រទេសដែលមានគំនិតផ្គួចផ្តើមខ្សែក្រវ៉ាត់ និងផ្លូវ ពីថ្ងៃទី៣០ ខែសីហា ដល់ថ្ងៃទី១២ ខែកញ្ញា ឆ្នាំ២០២៤…។

ប្រភព៖ នាយកដ្ឋានព័ត៌មាន